قناة الشاعر موسى الزيدي للقصائد الحسينيه

شلون وداع واحد ودع الثاني
من عريس ومه العرسه اتاني
يعرفها حنينه. . ماتحمل ونينه
********************************
ودعت ابني وثمرتي والتعب مال العمر
انطيتهه الدرب المنيه ومانمت ليل اليمر
انه من ودعته ابني والله ودعته قسر
ماشفت ام الولده على فراكه تنجبر

والمجروح بس يذكر يعاني
هذا الصار بين أبني المشه واني
يعرفها حنينه. ماتحمل ونينه
*******************************
ابقى عل عتبه وتاني لو تمر ويه الهوه
للعرس احسب ثواني وشعل شموع وضوه
وردنه نفرح كلنه يبني انه والعيله سوه
فدوه جاوبني عزيزي يلي لجروحي دوه

بس دموع تذرف عيني خلاني
والعريس منين موادعه جاني
يعرفها حنينه ماتحمل ونينه
********************************
شنهو ماترجع عزيزي اليله ناويها الي
ياضوه عيوني ونضرها ودنيتي ونته هلي
عايش بروحي يغالي امك انه بلا ولي
انخه من الله غيابك لو حلم وينجلي

وكتي شلون ياجسام جاباني
على الحسرات وفركاك دلاني
يعرفها حنينه. ماتحمل ونينه
**********************************
من اجتني المغربيه وعاينتلك ما اجيت
تعثرت اجدامي يبني للارض جني هويت
تيهت ماشوق دربي الخيمتك جان عتنيت
وماكو واحد من عماك جان اله هسه شكيت

والعريس باليلة عرسه عافاني
وعشت اوهام جن جسام حاجاني
يعرفها حنينه. ماتحمل ونينه
********************************
من رجع بيه الهاعمه وسابح بدم هامته
وصارت بسوح المعاره ابني جاسم زفته
والجفن لبساه ابني للعرس جن بدلته
اليفكد اعزاز على كلبه دمعه يشرح حالته

يالمدلول فكدك حيل سلاني
و جن الموت على واليدي وازاني
يعرفها حنينه ماتحمل ونينه

الى خادم اهل البيت: موسى نعيم الزيدي
الخميس/2021/8/5/
محرم/1443ه‍
********************************

             ياغريبات احذرن ياغريبات .

                  جن وحيدات بقينه جن وحيدات 


***************"""""""""""""""**********""""

                 اليله بين الخيل وحده رقيه 

                 اليله ماوحد يضل من اهلي اليه 

                 اليله محتاره وتصيح شلون بيه  

                 اليله نار البل خيم تجوي بديه 

                 

                باجر انبات يزينب باجر نبات

                جن وحيدات بقينه جن وحيدات 

*****************************************

                مدري ابو فاضل دره بحالة خواته 

                مدري شنهي لاخره مومن صفاته 

                يدري ركضن على الجمر مخدراته 

                يدري با ال زياد  ضربوهن بناته 

          

                كافلي مات اعرفه كافلي مات 

               جن وحيدات بقينه جن وحيدات

****************************************

                هايمه وركض ولم بطفالي كوه 

                 خايفه وباليل هاي اشلون بلوه

                بين كوم بلايه غيره وماكو نخوه 

                ندري مهيوبه الاخت لو عدها اخوه


                 ياحمامات اعذرن  ياحمامات

                جن وحيدات بقينه جن وحيدات

***************************************

                بحيره مكسوره وعاين يازماني 

               عالدرب ضليت بس انظر وتاني 

                والهضيمه فوك هذا العذاباني

                قاتل العباس اخوي الي سباني

  

               والله مأسات يخويه والله مأسات

              جن غريبات بقينه جن غريبات

**************************************

               بزود اخوتي انه جنت تعرف اميره 

               وهسه وحدي بين عداني اسيره

               والهضيمه نمشي من ديره لديره 

               خويه ابو فاضل مصيبتنه جبيره

              

               تدري ميتات بغيابك تدري ميتات 

              جن غريبات بقينه جن غريبات


إلى خادم اهل البيت: موسى نعيم الزيدي

السبت/2021/7/31/

**************************************

من ناجه ربه  وبحاله صعبه  يشكي الجره

عبدالله بيده  حزو وريده    من منحره

************************ 

رفعت اجفوفي الك ياربي وسمعني 

أذبحو وردة زماني وزيدو وني

اذا عطشانه جانت ذبلت بحضني 

ردت اسجيها ماي وخيبو ضني


من جابه ورده  وماي وتبده  برض الثره 

عبدالله بيده    حزو وريده   من منحره  

*************************

الرمح من صابه فزز كل جرح بيه 

شضمد وانه جرحي غافي بيديه 

يفرفح جن حمامه يعاين عليه 

يعبدالله ترد لو ما الك جيه


رمح الي صابه  بنحره وخضابه  بكلبي سره

عبدالله بيده    حزو وريده    من منحره

*************************

رجعت على الخيم بوليدي انه ضامي 

اشو ساكت عزيزي ومنحرك دامي

رجعت بحسرتي تتناكل جدامي 

ارتوه بنحرك رمح زيد الي إلامي 


لوليدي نوحي  وتنزف جروحي  ريته دره

عبدالله بيده     حزو وريده     من منحره

************************

شكل لامك يا ابني فدوه حاجيني 

اذا على الماي يبني روي بدمع عيني 

الك ترخص حياتي وعمري وسنيني 

يشوف باليله ضلمه انته التدليني 


من رد حبيبه  وناعي المصيبه  كباله قره 

عبدالله بيده    حزو وريده     من منحره

***********************

المهد يوليدي اشوفه اليله شو خالي 

وتهيم امك تهز كاروكك كبالي 

يقطعه من الجبد مدلولي يالغالي 

فلا حاسب ادفنك منذبح تالي


وكاروكك انته   اكبالي شفته  يبني تره

عبدالله بيده     حزو وريده   من منحره


الى خادم اهل البيت: موسى نعيم الزيدي

الجمعه/2021/7/30/

*******************

محرم((1443))

قصت حبيبين    الكافل والحسين
  واحد بلا راس.       واحد بلا عين     

********************************

قصه بمعانيها حجي.     كل معنه يحمل صوره 
مابين شيال العلم.         والخنصره مبتوره
واحد نطه جف وزند      وهامته مطبوره 
واحد نطه ركبه ونحر    وضلوع اله مكسوره

      هل صايح منين         من طاحو ثنين 
واحد بلا راس           واحد بلا عين

         

*********************"************

ادركني من صوب النهر       القصه تبدي بيها
كلمه بمعلمها حزن              تفهمها يل قاريها
تصور انته الحادثه              لمن يمر طاريها
بالخوه يضربلك مثل            عباس ويوافيها 

 ويزيد الونين                   من شاف الايدين
واحد بلا راس.                 واحد بلا عين 

**********************************

لمن حمل راعي العلم.         وبيده شايل رايه 
هزهز الجيش ومارجع.      الماي جان الغايه 
يوصله للخيام الكمر.         وندريبه كله كفايه 
جربه وجوده وطيحته       بين الخوه بهايه

   ويجاوبه حسين              شلي بالسنين          
واحد بلا راس.              واحد بلا عين             


********************************

من هام الحسين وركض    صوب الشريعه العباس
احساس يحمل للاخو.       شنهوه هذا الاحساس 
يعرف زنوده مكطعه.      من الهامه مطبورالراس
وكله على الدنيه العفه       بالريه انته انفاس

  من شاف الحنين                  يتفگده منين    
واحد بلا راس.                   واحد بلا عين         


*******************************

مامنحني بعمره الورد.     بس انحنه ورد مكسور
من شافه سابح بالدمه.       ويكله خويه معذور
جن الكمر عنها نحجب.     والدنيه مابيها نور
رد الحسين بيا وضع.       مكسور محني مقهور

 طش الخبر وين             فاجعهم البين 
واحد بلا راس.                واحد بلا عين 


الى خادم اهل البيت:موسى نعيم الزيدي
الاربعاء 2021/7/28

*******************************

((   محرم 1443))
عشنه اوهام وبس أناطر     بين الماضي وبين الحاضر 

         بين ترد للخيمه اليله          وبين ترد للخيمه باجر 

              كلي شصار                    ماكو اخبار

**************************         


             عفتني بغربتي خويه وحيده وكسرالخاطر 

              يتامه ونار مشتعله وكلها الجيتك تناطر 

             مايرحم وكتنه احنه وزمنه بالغدرىشاطر 

 شضمد والجرح فكدك وصوط على المتن ساطر 

  

       دمعي من عيوني ماطر     يمكن يرجع مدري مسافر

       شلون تنام اليله العيله.        اشلو حسين اليله يهاجر           

             كلي شصار              ماكو اخبار 

*"****************************

             من طبع الاخت تدري تعاتب هيه واليها

             اذا مابين وجاها تدري الناس توليها

           احلفك بالخويه حسين عيوني بشوفك ارويها 

            اذاما شافتك زينب تراها الظيم يكضيها

 

   كون الزينب يمك خاطر        بشوفك خلي تكحل الناضر

   ماتدري زينب محتاره           ماتدري داساك  الحافر

      كلي شصار.                     ماكو اخبار 


**************************

           شنهو الاخرك كلي يخويه هذا موطبعك 

           ظلام وخوف ماتدري عشتهن من اجل وضعك

           صدك اسهامهم يحسين من كل جانب تربعك 

           وحوافر خيلهم ياخوي تدوس ورضته ضلعك 

    

        ماضل شي بجسمك عامر.      خويه موذر وانته تكابر 

      ليش تلوج بوسط الهيمه.         دوس الخيل بجسمك كاسر  

          كلي شصار.                      ماكو اخبا

**********************

          وحيده وعيني مشبوحه وتاني لو خبر منك

         احير الياكتر امشي  يخويه من سمعت ونك

         الخنصر طايح بصفحة وراسك منفصل عنك 

          مالحكت اجي ياخوي خاطر انه اودعنك 

 

       ماكو معين النه لاناصر      ريتك يحسين انته حاضر 

       جان اليكرب منه ويله        وبغايبك ماتدري شصاير

          كلي شصار.                   ماكو اخبار


*******************************

          اروح بيا درب يحسين فدوه خويه دليني

          انه اختك يبو الغير بغيابك شلي بسنيني 

         من يوم الرحت لليوم دمع تذرف بقت عيني

        اذا مابينت ياخوي اموت اليله تدريني 

   اشكي امري الربي الفاطر.    باب الخميه نبقى أناطر 

  ماتعرف بحاله عياله           يرجع كون من الله الساتر

     كلي شصار.                      ماكو اخبار


الى خادم الحسين: موسى نعيم الزيدي
الاربعاء/2021/7/28

سوف يتم نشر قصائد محرم 1443
ببركة الصلاة على محمد وال محمد

اللهم صل على محمد وال محمد توكلنا على الله سوف نبدء بنشر قصائد محرم الحرام ان شاءالله من اليله فصاعدآ

 ((على طور قصيدة محمد الجنابي عافوني وراحو))
ودعت انه حبابي    والدمعه تنزل عل وجه وتخط على جفون
ماادري شكالو        من شافو موادع علي ويه ليلي وشلون
*************************************
يظنوني لاتخيبي     هسه يجي حبيبي    ويعاود حذاي
لبني علي اتاني    وماش خبر اجاني     منتظره هواي
   
          بس الدمع يجري بقه من جابه الحسين 
           الشوفته  تنطر يجي وترسه العين 
           صعبه اليفاركله ورد يخلصه ونين
              سنيني     ونيني      لعدهم 
من ما اجه ابن   مزروعه ضلت عل درب تربي العيون
ماادري شكالو       من شافو موادع علي ويه ليله وشلون   
*************************************
تبجي وتجي لعنده    ماي الولد تبده       وشيلمه هالماي
لمن برز حبيبه      كلبي كثر نحيبه       يالشايل لواي    
   
         بحسره اركض وعثر كمت وبكلبي الخوف 
         اعرف اعلي يوكع انه بيوم  الطفوف
        وعيوني ضلت عل مشه من فارك الشوف  
               اعاني   وتاني      يجيني 
جن بالخيم صاحو   هذا علي جابوه الج متغير الون
ما ادري شكالو     من شافو موادع علي ويه ليلي اشلون
*************************************        
لمن اجه بخيالي     وطيفه نرسم عبالي    ما ادري شصار
كلبي نثلم احسه     صعبه اليفارك ينسه    بس يبقه محتار

          كلبي ارتجف لمن اجه طاريه الوداع 
          وتمايلت ويه الهوه  وتهاوه للكاع 
         الفاكد عزيزه لو يمر يحزن تره بساع
           بحسرتي     وغربتي    اتاني 
لمن سره كبالي         عاينته ورده وتنذبح يم اليذبون 
ما ادري شكالو       من شافو موادع علي ويه ليلي اشلون   
*************************************
يادنيتي شتريدي        هذا علي وحيدي      وشعندج وياي 
ضيعتي نص سنينه    وامه بقت حزينه       وتناشد الجاي 

              متانيته ومامش خبر منه الي جاي 
           بحسره ونين انه انتظر يحاجيني سلواي
          مكسوره ادري بيه وكع وماشارب الماي
                بمكانه    وزمانه     اعرفه 
  بلوعاتي وبحزني     خيم عليه موادعه ويه اليودعون
 ما ادري شكالو       من شافو موادع علي ويه ليلى اشلون
*************************************
من شاهدت مصابه    من الهامه دم خظابه     زيده  بالواي ابعث اله سلامي    هذا عزيزي دامي       وما شارب الماي          
    
           اليشبه  نبيك بالخلق بالهامه صابوه 
          وما واحد الكلبه رجف الكوم حاطوه 
          جن طير مذبوح ويرف بجناحه عافوه 
           بدمعتي    وحسرتي   اناطر 
بس تكسر الخاطر    ليلى على ابنه من وكع كلهم يكلون
ما ادري شكالو      من شافو موادع علي ويه ليلى اشلون

الى خادم اهل البيت :موسى نعيم الزيدي

*************************************

      ستر الله مسبياة والله هظيمه 
            راحن مشي للشام ايا ظليمه
******************************************
           دورت بكلشي انه ماشفت مثل الجره 
           تمشي مسبيه العقيله وحنه ندري مخدره
           تلتفت يمنه ويسار وساعه تنظر ليوره
          والضعن يحسين عنكم غصبن عليه سره
              الفاجعه يحسين نعرف عظيمه
               راحن مشي للشام ايا ظليمه 
*******************************************
         من تصورت المصيبه وكلشي كبالي جره
        وشاهديتك يا اخوهن دامي مرمي على الثره
        بت علي الكرار وسفه بلايه اخوه ميسره
        وناشدت عباس وينك ها يسبع الكنطره
             قصت اخت عباس قصه اليمه
             راحن مشي للشام ايا ظلميه 
********************************************
        وحده بوحده يلوذن خويه ماعدهن ذره
       اركضن صوب المخيم بيه نار موجره
       زينب تصيح الظليمه بلايه اخوه محيره
       وشاهدن راسك  كطيع وجثه يمه موذره
          تمشي بلايه خوان زينب جريمه 
           راحن مشي للشام ايا ظليمه 
********************************************
       من كلت احسين وينك للظعن راسك بره
       ارد اخبرك يبن امي بالسده علينه وجره
      هجم جيش ازياد كله وهد علينه بعسكره 
      من كثر ظرب السياط على المتون مئشره
         نعرف خوات حسين كلهن عزيمه 
            راحن مشي للشام ايا ظليمه
*******************************************
       تحيرت مابين اشوفه وبين ادور خنصره 
       وبالدمه سابح لكيته ومنذبح من منحره
      اظلوعك بسحك الحوافر حيل جنه مكسره 
       والرماح الفوك جسمك لازمه جنها سره
           جنه اجت يحسين زينب عليمه 
           راحن مشي للشام ايا  ظليمه

الى خادم اهل البيت: موسى نعيم الزيدي

حسين عينك على الوطن جار الزمان ويانه 
وماغير شخصك سيدي ننطر يجي الملكانه
*************************************
واجهنه اهات ومحن      شله الزمان علينه 
وكثرة يمولاي الفتن      انظرنه يابو اسكينه 
بضلع العزيزه الولده     نريدك تجي تحامينه
المامحترك ابنه انفكد     مذبوح شافه بعينه
يرخص الك كل العمريابن علي ودنيانه
وماغير شخصك سيدي ننطر يجي الملكانه
***********************************
ودموعنه دوم تهمل       ماندري شنهو البينه 
فكدك يبنه فاطمه          لو هل وكت ماذينه 
موجني يعكوب الفكد     يوسف وباضت عينه 
ينكسر كلبي بكل وكت   ويهيم صوب حسينه
    ميت يزيد النه طلع وياه كل اعوانه 
وماغير شخصك سيدي ننطر يجي الملكانه

*************************************
شنودع شنحمل بعد      وحنه الوكت يلوينه 
يوميه نودع ورد         هونه فدوه علينه         
احضرنه فدوه ياشمس   من هل زمن ملينه 
شوه فاجعته كربله        تنعاد كامت بينه
 كل ماتذكرنه السبي حال الضعن لاوانه
وماغير شخصك سيدي ننطر يجي الملكانه
*************************************
من المهد عشنه الحزن     وحرك الخيم ياذينه 
ومن طاح عباس الكمر    والسهم صوب عينه 
ونسمع رقيه من مشت     تصيح الرمل يجوينه
هاي المواقف تجتمع       من تنقره   تبجينه 
  جي هم نحبك ياضوه الضدك اجه وعادانه
  ماغيرشخصك سيدي ننطر يجي  الملكانه 
*************************************
شجم فاجعه اله اثر         ومرسوم اثره بينه 
تتكسر الحسره ونون       ومثل الجمر تجوينه 
المكسور لو طول العمر    يظل يزيد ونينه
ولو الظعن ذكره يمر     ومابيه اسم حادينه
والدمعه من زغر العمر عاشت صدك ويانه 
ماغير شخصك سيدي ننطر يجي الملكانه 

الى خادم اهل البيت :موسى نعيم الزيدي

************************************

كون بمحرم ينتهي هذا الوباء
وبكل مكان نقوم لحسين العزاء
الزهره تحضرنه بمجلسك كلنه *****************************
تخيم الزهره بمجالسكم علينه
تسجل اسماء الحضور الي اجينه
وماترد طلاب الزهره الحزينه
امك الزهراء نعرفه شكد حنينه
* * * *
انتو خطيتو العدل واصل الوفاء
المجلس النقراه الك مابي رياء
حسين سجلنه بمجلسك كلنه
*****************************
ياحسين محبتك مزوعه بينه
من مرض ولوعه من حسره عتنينه
نظره من عندك امامي انظره لينه
غير شخصك يا امامي مالكينه
* * * *
فدوه الك ايامنه تكضي فناء
المجلس النقراه الك مابي رياء
نريد تكتبنه بمجلسك كلنه
*****************************

كلب اليحبك فلا يخمد ونينه
واليل ونهارالدمع تارسه عينه
دمعه وبعين اليحبك جن سجينه
تنذرف كل ساعه وتعاود علينه
* * * *
انتوعلمتونه بالخوه نقاء
ونتو عند الله سفينه للرجاء
انتو قدوتنه بمجلسك كلنه
*****************************
كل بشر يقره الك يكثر حنينه
يخلص ايامه بذكركم وسنينه
احنه من الزغر للخدمه هوينه
الشيعتك بلاخره انته سفينه
* * * *
كل محب ينتظر من عندك لقاء
ويلطم على الصدر اللسيد الاناء
محبه تجمعنه بمجلسك كلنه
*****************************
اشلون مانحضر مجالس لو مشينه
بالكبر ننصب مئاتمنه الحزينه
والله احنه غيركم لا ماهوينه
الفاجعه طول العمر تنعاد بينه
* * * *
احنه نتفس محبتكم هواء
شلون ننسه فاجعتنه بكربلاء
وهاي دمعتنه بمجلسك كلنه

الى خادم اهل البيت: موسى نعيم الزيدي

*****************************

((قصيده الى ابا الفضل العباس والسيده زينب سلام الله عليهم))

يابو فاضل.. اركضت صوب الخيم  وماشفت رفت علم
انه زينب.. ترضه يضربني الشمر ومشي مسبيه قسر
             يابوفاضل            يابو فاضل 
*************************************
     من صحت ادركني خويه أركضت صوب النهر 
        وردت ياعباس اجيلك وبالرمل جدمي عثر
       وشاهديت احسين جابك خويه مكسور الضهر
       شنهي عذرج يالشريعه من وكع فوكج كمر
  يابوفاضل.. وين صاباك السهم  شو تلوج من الالم
 انه زينب..يحدي بضعني الشمر ومشي مسبيه قسر
           يابو فاضل            يابو فاضل
*************************************
         حتركت خيام ويتامه وحايره ليل ونهار 
       الدنيه ظلمه يابوفاضل ليل وتراب وغبار 
         شاهدت منظر لطفله بيك كامت تستجار 
         تيهت ركضت بهيمه والرمل يجويه حار
     يابوفاضل.. ابد ماواحد سلم   السوط بمتوني نثلم
    انه زينب..ركضوني على الجمر ومشي مسبيه قسر
            يابوفاضل            يابوفاضل
*************************************
       اه من حل الظلام وهجمت الخيل وزلم
       حايره ضليت خويه الياكتر بطفالي ألم
       ودري بالعباس طايح وبالجره ماله علم
      واركض واعثر وصيحن هذا مو واقع حلم

يابو فاضل..حيلي ياخويه نهدم وردت اموت من الالم
انه زينب ..ترضه يشتمني الشمر ومشي مسبيه قسر 
       يابو فاضل                يابو فاضل
*************************************
     شوف حالي يابو فاضل ذبل عيوني السهر
     ترضه ياعباس امشي لليسر خويه شهر
    ومن كثر ون الهواشم عليك موتني القهر
    اليفكد اعزاز علكلبه يمشي مكسور الضهر
يابو فاضل..ليش اعيشن هل وهم خويه ارجع للخيم
انه زينب...رايحه بدرب اليسر ومشي مسبيه قسر
          يابو فاضل        يابو فاضل
*************************************
    شوطحت عباس وينك ليش طالت طيحتك 
    ماكلت زينب وحيده جنه طالت نمومتك 
    غيبتك ياكمر هاشم مو محله غيبتك
   زينب تصيح الظليمه ومن على التل نادتك
يابوفاضل..خويه دلالي نلجم  بطيحتك كلبي علم
انه زينب.. شلي بيه هذا العمر ومشي مسبيه قسر 
        يابو فاضل        يابو فاضل

الى خادم اهل البيت: موسى نعيم الزيدي

***********************************

(محرم1442هجريه)
يبني اترجاك  تاخذني  وياك  تاخذني وياك   
مااحمل نار غيابك ولدم مغطي ثيابك

تاخذني  وياك          تاخذني وياك.
*************************************
بين الملكه      وبين الفركه     درب اطويل
طعم الشهكه     بطعم الخنكه     حسبه ليل 
ذبحو ورده       ودمه  تبده      وكام يسيل
ها عبدالله         اشكي ال الله     ذابل حيل
     تجافيني يمه تخليني وحدي شلون 
      ياسلوة عمري وياروحي وبيالون
من رد حسين وجابك  للماي تودي اعتابك  
      سهم الصاباك          ليش تعناك

*************************************
امك تدري        اهديلك عمري       كون يصير
يذبل لوني         لو سئلوني         كلبي يطير 
ياهم اجرع       بشوفة مصرع      فكري يحير      
كمت تفرفح         بس تلوح         جنك طير
       سهم الصايب نحرك يبني بيا مضمون
       عدواني  الذبحبك  يوليدي  يهتفون
   فزيت وسهم الصابك من المنحر حز اعصابك
       ماندري هناك            ينباك هواك
*************************************
المن عينك         صوب حسينك   شو مشبوحه
كلب الوالد          وكلب الفاكد      تزيد نوحه
شفت كبالي          ركبة غالي       جن مجروحه
ومك انه             كلت هنانه        لو مذبوحه
          عبدالله  كل   اهلك  يبني  يسئلون
           شمعه ومطفيه  عبدالله   يكولون
    كاروكك ينعه غيابك وسهم الموت يدك بابك
      يوليدي انخاك              امشي وياك
*************************************
بس جاوبني      وسمع وني       شنهو الصار 
اركض وعثر   وفكري تبعثر       وكلبي حتار
شفتك ضامي    ونحرك دامي     وين اندار
صوب الهيمه   صوب الخيمه     اشتعلت نار
       اسئلهم يوليدي عنك ما يحجون     
    ومن كثر الدمعه والوعه مالي عيون
   ياسهم النحره شجابك وياخوف  الما ينتابك
    بكلبي ذكراك           بدمعي انعاك
 *****************************************
ياحسرتنه         ويافركتنه            تهد جبال
خلص ليلي       ميت حيلي         وبني شال
يمعودني        صوتك بأذني        تكول انفال
شفت عيونك   زركه جفونك        يا ألدلال    
     بحالي ودمعاتي ولوعاتي ماتدرون
     يخلص ليلي هلبت يرجع كله ضنون
   ليت الي يهيل ترابك للخيمه سالم جابك
     يكتل فركاك          اشلون انساك            
 
الى خادم اهل البيت :موسى نعيم الزيدي

*************************************

اللهم صل على محمد وال محمد
راح ابدي انزل قصائد محرم (1442هجريه)

اللهم صل على محمد وآل محمد

اللهم صل على محمد وال محمد

اللهم صل على محمد وال محمد

قصيدة مستعر كلب الشريعه عليك نار اداء مله: علي قاسم كلمات الشاعر:موسى نعيم الزيدي نسأل الله التوفيق

كلمن اكباله هله موسدينه
وكلبي مايحتمل دفن حسينه
ولكمر عالمشرعه وجفينه
****************
هايل تهيل التراب بهيده وي حسيني
وياه عبدالله ادفنه وزهرتي وسنيني
يكول ياعمه الرمح لبنحري شوياذيني
واني ازغير وخافن وحدي لتركيني
والله ما تحمل وداع سكينه
ولكمر عالمشرعه وجفينه
*********************
وكافلي لمن تدفنه لم اله جفينه
وسهم المثلث اظنه بيه ظلت عينه
كلبي ياعباس مايكطع عليك ونينه
ياكمر عدنان وينك خويه بس حاجينه
خويه اجينه من لسفر لاكينه
ولكمر عالمشرعه وجفينه
* * * * * * * * * * * * * * * * * *
كربله شخليتي اليه خذتي كل خواني
ذبحتي كل بيت النبوه وزهرتي وقرباني
دفنتي اخواني ودلالي وعزتي وصيواني
ريت دفانك يخويه يصير الي دفاني
وكلبي مايحمل وداع حسينه
ولكمر عالمشرعه وجفينه
* * * * * * * * * * * * * * * *
هيل التراب عله هونك خافن تأذيهم
جروحم كلش غميجه والرمل يجويهم
دايستهم خيل اميه حيل ومكطعيهم
والرماح البلصدر وبالنحر تاذيهم
عمري مايحمل وداع سنينه
ولكمر عالمشرعه وجفينه
*******************
يمه يالزهره اخوتي البيه اتوصينهم
دفنتهم دفنه وحده بكربله ويحسينهم
ورود يايمه امودعه بخضار اسنينهم
ردتج الزهره ييمه انتي التحضرينهم
وكلبي مايحضر لدفن حسينه
ولكمر عالمشرعه وجفينه

تم بعون الله
إلى خادم الحسين : موسى نعيم الزيدي
* * * * * * * * * * * * * * * * * * *