مربعه الامام الكاظم عليه السلام «{📜 بـعـنـوان : امشنه اخت الرضا}»🔥 امشنه نروح لخت الرضا نعازيهه شال الوالي وماظل حيل بيهه ❥❥ــــــــ‹ــــــ❂❁❂ـــــــــ›ـــــ❥❥ نعازيهه معصومه ونلطم بحرگه شال اليوم ابوها وصعبة الفرگه بعد مـــثل الابو يـاخـلگ ماتلگه تبجي بلحـزن يـــامن يواسيهه ❥❥ــــــــ‹ــــــ❂❁❂ـــــــــ›ـــــ❥❥ عنها شال ابوها وشيلته كلفه عايفـــها حزينه يا الف وسفه من بعد الحنين العين ماتغفه تعميها المباني شال راعيهه ❥❥ــــــــ‹ــــــ❂❁❂ـــــــــ›ـــــ❥❥ نايـــم والتـراب الحار بعيونه تمنيت الكبر ينطي اليضيفونه وللوالي اروح ابـروح محزونه راح الجان ديراني يضويهه ❥❥ــــــــ‹ــــــ❂❁❂ـــــــــ›ـــــ❥❥ اشـــمالك كلت ا يـــالوكت كلي يادهري بعجل خلصت كل اهلي راح الوالي بعـــد بالعمــــر شلي شال الغالي ودمعاتي اجريهه ❥❥ــــــــ‹ــــــ❂❁❂ـــــــــ›ـــــ❥❥ بقـــيت انه غريبه وزادت أحزاني اشوف الدار وحشة وفگده اذاني خـــليه ومظلمه ونخطفت الواني وحزينه وموحشه والكدر عاليهه ❥❥ــــــــ‹ــــــ❂❁❂ـــــــــ›ـــــ❥ بســك يـــا دهر من الحزن مليت وبس لوعة وحزن هالعمر گضيت راح الغالي مـني وبالهضم ظليت وتظل شلون گلي الراح واليهه ❥❥ــــــــ‹ــــــ❂❁❂ـــــــــ›ـــــ❥❥ ويـــايه شكثر يـــاهلدهر قاسي اخذت مني ابوي واعزكل ناسي وشـيب من دموعي يادهرراسي وخلصت بالحزن روحي لياليهه ❥❥ــــــــ‹ــــــ❂❁❂ـــــــــ›ـــــ❥❥ يـــا دهر الحزن ماترحم ابحالي عفتـني الوحدي وبعازت الوالي بنت الـساـده اظلن بالغرب تالي يتيمه ابقى وحزينه هيج تاليهه ❥❥ــــــــ‹ــــــ❂❁❂ـــــــــ›ـــــ❥❥ تمــت الحمــدلله بقلم اخادمة اهل البيت عليهم السلام ✍🏻📜 [الشاعرة بـتـول الـكـربـلائـيـة📓] غير مبرى ذمة أمام الله والزهراء ع تأخذ كلمات وينسب لـه❌ https://t.center/pDQDJRsUu3Q3MzAy