قصيدة الامام الكاظم ع لسان حال مولاتي معصومه 😭💔 على طور بنت المنهال { يالغبتي } تصرخ ياعزيز الروح حاچيني أخذني وياك بويه ولا تخليني وين تروح يالوالي افراگك مرد دلالي يابعد روح بنتك .. يابعد روح بنتك ❥❥ــــــــ‹ــــــ❂❁❂ـــــــــ›ـــــ❥❥ أخذني ويـــاك بويه ورحم ابحالي عگب عينك وحشه وسوده الليالي عالخــــــد دمعتي ياحبيبي اتلالي الگلب زاد ونينه ماترجع يا ولينه يابعد روح بنتك .. يابعد روح بنتك ❥❥ــــــــ‹ــــــ❂❁❂ـــــــــ›ـــــ❥❥ يابويه المصايب كثرن اعليه و هارون النذل ماعنده حنيه يتمني وابـــد مـــارحم لبنيه بعدك غابت انوار وگلبي يلتهب نار يابعد روح بنتك .. يابعد روح بنتك ❥❥ــــــــ‹ــــــ❂❁❂ـــــــــ›ـــــ❥❥ بعدك ضـيع أحلامي وهدم حيلي وخـــلاني حـــزينه ومانمت ليلي ياهو العكب عينك بويه يحجيلي يكون عميه عيني ولاتروح وتخليني يابعد روح بنتك .. يابعد روح بنتك ❥❥ــــــــ‹ــــــ❂❁❂ـــــــــ›ـــــ❥❥ كالو اجـــنازة علجسر مطروح وبـــيه كثــــرن ياوالدي النوح خـــــلو دليـــلي والله مجروح صعبة بويه فرگتك صعبه عليه غيبتك يابعد روح بنتك .. يابعد روح بنتك ❥❥ــــــــ‹ــــــ❂❁❂ـــــــــ›ـــــ❥❥ بعد روحي وبعد گلـبي اشحلاك المـــوت وسفة ماخذني اويــاك گلي السم يا الوالي آمنين أجاك ريت تأخذني المنيه ولا افگـدك يالشفيه يابعد روح بنتك .. يابعد روح بنتك ❥❥ــــــــ‹ــــــ❂❁❂ـــــــــ›ـــــ❥❥ تمــت الحمــدلله بقلم اخادمة اهل البيت عليهم السلام ✍🏻📜 [الشاعرة بـتـول الـكـربـلائـيـة📓] غير مبرى ذمة أمام الله والزهراء ع تأخذ كلمات وينسب لـه❌ https://t.center/pDQDJRsUu3Q3MzAy