Xabaringiz bor, Prezidentimiz tomonidan Mahmudxo‘ja Behbudiy tavalludining 150 yilligini keng nishonlash bo‘yicha qaror imzolandi. Kuni kecha Kasaba uyushmalari saroyida “Jadidlar va Behbudiy merosini oʻrganishdagi yangi yondashuvlar” mavzusidagi an’anaviy xalqaro ilmiy-amaliy konferensiya bo‘lib o‘tdi. Konferensiya Kasaba uyushmalari saroyida o’tkazilishida ham aslida ramziy ma’no bor, 1914-yilda Abdulla Avloniy rahbarligidagi o‘zbek havaskor truppasining dastlabki spektakli – Mahmudxo‘ja Behbudiyning “Padarkush” dramasi ham aynan shu binoda qo‘yilgan. Tadbirni O‘zbekiston Jurnalistika va ommaviy kommunikatsiyalar universiteti rektori Sherzodxon Qudratxo‘ja ochib berdi. Konferensiyada nafaqat, mamlakatimiz olimlari, balki, chet elda jadidlarning ilmiy, adabiy merosini o‘rganayotgan professorlar ham ishtirok etdi. Shuningdek, filologiya fanlari doktori, professor Halim Saidovning “Behbudiy fenomeni” kitobi taqdimoti o‘tkazildi. @otabek_khasanov