Не қилайин, ўзинг айт? Олис баҳорим менинг. Аросатда қолган пайт - Ким мададкорим менинг?! Юракларни ёндирдик, Аламнинг аччиғидан. Бўшамадик ёмғир деб - Аталгувчи йиғидан. Борай, десам сен сари, Қиш қиличин яланглар. Музлаб ётган кўзлари – Ногоҳ эриб, аланглар. Наҳот, чора йўқ энди, Ҳижрон заҳмидан бўлак?.. Бизни учраштирмайди - Бу дунёда ҳеч йўлак. Сен баҳорсан! Мен эса - Қовжираган куздирман. Бир томони – аланга, Бир томони муздирман! ✍️ О.Т.А.