،قصیده لمولاتي زینب سلام الله علیها بحر الطويل ــــــــــــــــــــــــــــــــــــــــــــــــــــــــــــــــ ظل حایر علي السجاد یاهي الي تغــسلها وکل الي تصل لیـــها تگـــله ما اجـــربلها ************************ تگله اشلون اغسلها دعاین شوف حالتها جلد وغظم مسلوله وامــعـفــره جثتها ادور عالجسد وینه بس الگــه عبایتـه واشوف اتراب غاطیها اظنهم ما منـــظفیــها اظن اتـخـاف تــعـدیها حاظن بیها مرض معدي وعافتها الاهل کلها *†************************************** المغسله اهربت عنها وظل حایـــر علي السجـــاد امنین یحـــصل امـغــسله غربه وکل اهلها ابعاد یــگــلــها ویلي یاعـــمـــه لا خــوتچ ولا الاولاد یـــعمـــه ولا الچ ابنیه تحضرچ وگت الامنیه وبــــدیرت بــنــي مـیه یا عــمــه الاجــل وازاچ الدنیا عادتچ شــلها ************************ ون ونـــه بأثــر ونــــــه وحـط ایـــده علی خــده وحید بدیرت العدوان وطاحـــت بیه هالشده غده یوگع علی الویلاه وصفیج النایبه ایسنده وینادي والدمع مصبوب یامن بالـــشدد مندوب ماتـحـضـر یداحي البوب لابــنــیــتک تـــعال ویاي وبراضـــه ننـزلــهـا ************************ یجدي ومو تجي وحـدک اریـــدنک تمر بیهم تحشم حـسـین والعـبـاس گلهم تعتب اعلیــهم اشگد شــالت حمل عنهم اشگدچانت تداریهم مو حــگ الـوفه هـالیوم الچفیل اتریده والمظلوم یجیها ولو گعد مهـمــوم یــگلـــها متي بالــشامات ویـعـاتبها ویــسایلها ************************ تعالج والونین اطوار بمصاب حسین مفجوعه تذکر من اجه السلاب وصــارت للحرم لوعـــه وتشوف حسین ما مدفون وعلیه الخیل مجموعه ذکرت یــــوم سلبوها ومن تصرخ یضربوها ورادتــــکم توافــوها ونـت بآخــر والـــــونه چن تعتب علی اهلها ************************ ونت بآخر الــــونه وصاحت یمه حضریني اشو محد تغسلني واریــــدنــچ تغســلیني ییمه من اجت لیه المــغسـله تگول تعدیني ییمه ولا مـــرض بیه المصایب عمت اعلیه ییـــمــه اتلاحگي لیه عباتي بعود المغسلهه یایــمـــه تـــمیــلها ****-*********************************** اجت لیها ام حسن تصرخ یزینب یابزر بطني تگلها اشـــغیــرچ هالحـال یزینب حالچ اذهلني ونـــــت زیـــنــب وگالت توها امـــي تناشدني مصاب حسین یام حسین هـــــو بهالـشکـل ذبني ییــمه مـــا دریــتیـــني گضیت بونتي اسنیني علی یاهي تنــــشدیني یحبیبه مصاب حسین دوهـــــن بتچ وســلها ************************ تمت العلویه ام ضیغم المحنا لا اجیز حذف الاسم من القصیده او التلاعب بالکلمات نسالکم الدعاء https://t.center/omdegim شـاعرة اهـل البـيـت العلويه ام ﺿــيـغم المحنا يسرنا ان تشرفونا في انضمامكم الى قناتنا المتواضعه انشرو الرابط وشاركونا في الاجر والثواب