عُمَريّات 💬💙

بنت متل القمر.. عمرها مو اكتر من 7 سنين
عم تلعب بالحارة وتحكي كلام انا بستحي احكيه 🌚💔💔

يعني مافي تعليق عالحكي بس الله يهدي هالأهل
الله يهديهن ويصلحن

🔵 إذا أحبك الله..

4 دقائق للشيخ أنس دوامنة.. حلوين لنبلش فيهن صباحنا 🌚💙🌸

اول 15 ثانية مو محسوبين 😂

🔵 بودكاست إيه المشكلة.. قسم الخطبة والزواج
4 حلقات: 2 للخطبة و2 للزواج

🔹 اذا كنت على وش خطبة او زواج.. حضورن اهم من حياتك
🔹 اذا كنت ممكن بعد فترة تخطب.. حضورن اهم من حياتك
🔹 اذا كنت ممكن تتزوج بيوم من الايام.. حضورن اهم من حياتك
(طبعا الحكي للذكور والإناث) 🌚💙

🟢 حرفيا وبدون مبالغة: لو كل الشباب بالمجتمع بتسمع هي السلسلة وبتطبق الأفكار يلي فيها لنشوف عائلات من افخم ما يكون

يعني ناقشوا الأمور يلي مسببة معظم المشاكل بفترة الخطوبة والزواج بهالايام ووضعوا النقاط عالحروف بشكل مرعب

معلومات قيمة جداً وكل واحد عندو وجهة نظر احلا من التاني

الشيخ محمد الغليظ بحر العلم ويلي بيعطيك ياها من الآخر دائما
الشيخ أمير بيعطيك الحكي الشعبي اللطيف عالقلب مع امثلتو الحلوة
والشيخ ياسر بيسأل اسئلة عالوجع متل كانو عم يسمع يلي بقلبك ويحكي 😂💙

صدقوني رح تدعولي كتير بس تحضروهن 🌚🔥

بس لا ينصح بدخول الفيمينست 😂😂💔
او فوتوا بجوز تقتنعوا كمان

الحلقة الأولى: إيه المشكلة في الخطوبه
https://youtu.be/UjNFpGcw6Nw?si=Ooh57ULRjjHJD4WG

الحلقة الثانية: ايه المشكلة في الخطوبة ( 2 )
https://youtu.be/1XpFCr3yFSY?si=ZehIch4vBGAhzRnt

الحلقة الثالثة: إيه المشكل في الزواج
https://youtu.be/XqDe0Wgdt6M?si=EwyzjrjDroe4PFG5

الحلقة الرابعة: إيه المشكلة في الزواج ( 2 )
https://youtu.be/5pLmGyb9R-4?si=mt6g5QtheMXRrFlk

🔴 في واحد عندو ماراتون ركض بعد كم شهر
ضل قاعد وراخي بدن بدون ما يتدرب لحد ما اجا وقت الماراثون
شو بتتوقعوا صار؟.. صح اكيد فرش بالسباق وتعب بعد عشر دقائق ركض
يلي عملو اسمو جدبة مو؟ 😂💔

🟢 لهيك حابب ذكركم انو ضل لرمضان تقريبا 4 شهور 🌚💙

يلي حابب يكون رمضانو الجاية غير العادة.. بدو يبلش يتدرب من هلق
اذا ما فتت على رمضان وانت متعود تسرد بقراءة القرآن.. مارح تسرد برمضان ورح تمل

واذا مو متعود تفيق تصلي قيام الليل والتهجد من هلق
صعب كتير تتعود برمضان

ولا تزعل اذا الصيّام تعّبك برمضان لان انت مو متعود تصوم بقلب السنة 🌚💔

لا تكون متل شب الماراثون وبلش برنامجك التدريبي من هلق 🔥

🔵 كثّف ذكر.. صلاة.. قراءة قرآن واتدرج شوي شوي بالطاعات من هون لرمضان

وحط برنامج بهالشي.. لا تمشي عالحبيّة

وساعتا بوعدك انو رح تشوف رمضان غير يلي شفتو من قبل 🌚💙🌸

🔵 قال رسول الله صلى الله عليه وسلم:
إذا خلَّص الله المؤمنين من النار وأمِنوا
فما مجادلةُ أحدكم لصاحبه في الحقّ يكون له في الدنيا أشدُّ مجادلةً من المؤمنين لربهم في إخوانهم الذين أُدخلوا النار. قال: يقولون: ربّنا إخواننا كانوا يصلّون معنا ويصومون معنا ويحجون معنا فادخلتهم النار
فيقول: اذهبوا فأخرجوا من عرفتم منهم

شرح بس لصياغة الحديث:
عم يقول رسول الله.. شايف اذا انت بالدنيا الك حق عند حدا.. قديش بتجادل لتاخدو؟
المؤمنين يوم القيامة جدالن لرب العالمين عن اخوانن يلي بالنار أشد من جدالك عالحق تبعك

🟢 انت كيف بتختار صديقك الحقيقي .. من مواقفك معو مو؟
طيب اذا في شخص عامل معك كتير مواقف حلوة وقوية
وطلعت منو زلّة او ارتكب خطأ
رح تسامحو بحسنة هالمواقف ولا لا؟

🟠 طيب شوفي موقف أقوى.. وأهم من موقف اخوك يوم القيامة وهو عم يجادل رب العالمين عنك وانت حرفيا مالك غيرو بعد رحمة الله

🔸 هالموقف هاد بيستاهل انك تحب العالم وتخليهم يحبوك ولا لا؟
والله انا شايف انو قد ما كنت متسامح مع العالم.. اذا واحد فيهم نجاك من النار (طبعا برحمة وتقدير من الله) بتكون كسبت حق كل التسامح والود يلي اشتغلتو بحياتك أضعاف مضاعفة 🌚💙

حسن الظن بالناس.. الود ووضع الأعذار.. حسن التعامل وحسن المعشر.. الصدق والأمانة
هنن يلي رح يخلو المؤمنين يدافعوا عنك يوم القيامة اذا لا سمح الله كنت محتاج لهالشي

لا تكون فظّ غليظ القلب.. شكاك ومسيئ ظن
مشان ما تكون لحالك لهيك موقف 🌚💔

🔵 روي عن سيدنا موسى
أنه استظل تحت شجرة.. فأجى فارس واستظل كمان تحت شجرة ووقع منو كيس دهب وراح..

اجى رجل لقى كيس هالذهب وما شاف حوليه حدا يعطيه ياهن قام اخد الكيس ومشي

اجا بعدين ختيار كبير بالعمر قعد بنفس المكان.. فرجع الفارس يدور عالدهب ما لقاهم قام فكر الختيار هو يلي سرقهم فقتل الختيار ومشي

🟢 سيدنا موسى استغرب وقال: يارب انت يلي ما بينظلم عندك حدا.. شو هاد يلي صار
واحد انقتل ظلم وواحد اخد الدهب وراح

قال رب العالمين لسيدنا موسى: (بما معناه)
🔹هاد الزلمة الختيار قتل والده للفارس فالفارس اقتصّ لابوه بدون ما يعرف

🔹وأبوه للفارس كان سارق المصاري من أبوه للزلمة يلي لقاهم .. فاجا ابنه استرد ذهباته بدون ما يعرف واخدن ومشي 🌚💙🌸

🟠 الهدف يلي خلاني اكتب القصة
انه نحنا دائما منشوف قدامنا هيك حالات منستغرب منها ومنحسها مو منطقية
فتذكر انو انت رؤيتك للمشهد قاصرة جداً جداً.. لا بتعرف خبايا الماضي ولا بتعرف خبايا النفوس ولا بتحسن تشوف الحكمة من الأمر

فأوعك اوعك بيوم من الايام تشكك بحكمة وعدل رب العالمين.. أمره دائما كامل وحكمته دائما مطلقة وخيره دائما مطلق
نحنا بس يلي رؤيتنا لهالحكمة بتكون قاصرة وغير واضحة
خليك ثقتك برب العالمين دائما كاملة واوعك تترك منفذ لوساوس الشيطان 🌚💙

2⃣ لا يجتمع القرآن مع الأغاني في قلب واحد

وبصراحة انا مبسوط لان في عدد كبير من العالم طلع منتبه لهالموضوع

🔵 مشكلة الأغاني انها صارت ضمن الروتين اليومي بالمجتمع وشي عادي جداً عند اغلب العالم.. يعني ذنب منتشر بشكل كتير ضخم
ومن الآخر: الأغاني حرام 🌚💙
يعني صار الوقت مناسب والله انو ما نتخبى ورا اصبعتنا ونقتنع انو الأغاني حرام وعم ناخد ذنوب فيها وعم نعصي رب العالمين

🟢 البوست مو للخوض بحكم الأغاني.. بس من تجربتي مع الأغاني ومع القرآن
مستحيل تكون بتسمع اغاني وتتلذذ بالقرآن
انا ما زبطت معي.. 99٪ من العالم يلي بعرفن ما زبطت معن

بتقعد 10 دقائق وبتتململ من القراءة؟
ما بتحسن تندمج مع القرآن ؟
الحفظ كتير صعب عليك؟

صدقني انو الأغاني وحدة من أكبر العوامل يلي مسببتلك هالشي

🟠 القرآن لحتى يفوت على قلبك بدك قلب نقي.. متعلّق بالله
القلب المتعلق بالأغاني متل المي المختلطة بالتراب.. عكرة وكدرة وغير صافية.. واذا ما صفّيتها من هالكدر مارح يمشي الحال والله 🌚💔
الادلة من العلماء كتير كتير كتيرة.. يلي موقف الموضوع عندو لانو يعرف الدليل يطلب دليل

بس هو سؤال واحد .. مستاهلة الأغاني تكون هية السبب يلي مبعدتك عن القرآن؟
انت جاوب وقرر بنفسك 🔥

بصراحة جواب السؤال واسع جداً واكبر من اني اشمله ببوست

بس في نقطتين حابب احكيهن من واقع اختلاطي بحفظة القرآن والطلاب والاصدقاء

1⃣ لا يجتمع القرآن والكِبَر في قلبٍ واحد

انا بحياتي ابدا ابدا ما شفت شب او استاذ او شيخ.. حافظ القرآن عن ظهر قلب وعليه ثِمار حفظ القرآن
إلا وهو متواضع وعلى درجة عالية جداً من التواضع
مستحيل مستحيل يوقع بنفسك الكبر وشوفة الحال وتشوف تيسير بحياتك مع القرآن

اوعك بيوم من الايام تقول مثلا:
🔹انا حافظ قرآن معقول يقارنوني بهاد يلي مو حافظ شي
🔹معقول انا حافظ 20 جزء صلي ورا واحد حافظ جزء عمَّ
🔹مين انت لتنصحني روح حفاظ متلي أول

يمكن تشوفوها أمثلة مو منطقية انو مو معقول يحكي هيك حكي كتير عم تزودها
انت مو ضروري تحكيهن.. بس مجرد انو يوقع بقلبك شي مشابه وفيو شيئ من التكبر صدقني رح تكون وقعت بخطر كتير كبير

تذكر دائما انو كلشي انت فيه هو بفضل وكرم الله عليك.. فأوعك اوعك تتكبر بسبب خير يسرلك ياه رب العالمين

القرآن بدو لين.. تواضع.. من الآخر بدو قلب نقي 🌚💙🌸

لا يجتمع القرآن مع .....
شو برأيكم الشي يلي ما بيجتمع مع القرآن؟ 🌚

بسم الله ماشاء الله لا يسوق الخير إلا الله
بسم الله ماشاء الله لا يصرف الشرّ إلا الله
بسم الله ماشاء الله ماكان من نعمةٍ فمن الله
بسم الله ماشاءالله ولا حول ولا قوة إلا بالله العلي العظيم

{وقرآن الفجر إنَّ قرآن الفجر كان مشهوداً} 🌚💙

🔵 سنّة سهلة التطبيق
عظيمة الأثر 🌚💙

كان صلى الله عليه وسلم إذا شرب الماء قال: الحمدُ للهِ الذي سَقانا عذْبًا فُراتًا برحمتِه، و لم يجعلْه مِلحًا أُجاجًا بذنوبنا
قررت التزم فيه ان شاء الله .. وحبيت شاركه معكم

🟢 وتنويه بسيط معها
نحنا بإيدنا فينا نخلي كل شغلة منعملها بحياتنا فيها ثواب وبركة.. هاد الفرق بين طالب العلم الشرعي وبين يلي زاهد بهالعلم
بين ما تكون 24 ساعة عبادة وثواب وبركة وبين ما تكون عم تضيع عحالك كل هالخيرات

الطاعات مع النيّات تنقلب إلى عبادات.. بس بدك تتعلم وتتفقه لتعرف بكل وقت ومكان تلاقي النية الصح وتعبي حياتك كلها حسنات 🌚🔥

{والذين جاهدوا فينا لنهدينّهم سبلنا وإن الله لمع المحسنين}

الحمدلله انو شغلتنا مو نوصل
ولا منتحاسب عالنجاح والرسوب.. ما دخلنا بالنتيجة.. وظيفتنا هية السعي

عليك بس تجاهد عالطريق وتثبت عليه.. ولما توقع ترجع تقوم وتكمل
ورح تنهدى لسبيل الفلاح لان هيك اجانا الوعد 🌚💙

النتيجة مو شغلتك.. فتركها لرب العالمين ووثاق بنتيجتو
واهتم بيلي انت مُطالب فيه.. المجاهدة طول الطريق

أذكار الصباح الله يرضى عليكم 🌚💙🌸

إنّ الله لا يملّ حتى تملّوا

🔵 بغض النظر شو عم ترتكب معاصي وشو عندك مشاكل

اوعك تيأس من مغفرة رب العالمين وتخلي الشيطان يفوت عليك من باب: خلص انت مو وشك وش توبة

صدقني رب العالمين دائما بانتظارك 🌚💙

🟢 قال صلى الله عليه وسلم: ما أصرّ من استغفر وإن عاد في اليوم 70 مرّة
متخيل انك اذا بتعمل الذنب 70 مرة.. وبكل مرة بتعملو بتستغفر منو
وبترجع بتضعف وبتعملو
انت هون مانك من المصرّين عالذنب

قد ما كان ذنبك كبير.. مانه أكبر من اليأس من رحمة الله

🟠 وبيجوز يكون هالذنب ابتلاء من رب العالمين الك ليشوف رح تضلك عم ترجعله وواثق من رحمته ومغفرته؟.. ولا رح تمل وتستسلم

قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعاً إنه هو الغفور الرحيم 🌚💙

اكيد بتعرفوها للآية.. بس خلوها دائما قدام عيونكم ودائما متأملين فيها

الحمدلله أن لنا رباً غفور.. حليم.. ساتر.. رحيم

مابدك تمشي على نهج سيدنا محمد
ويكون هو المربي لحياتك والموجه الك؟

شو بتعمل طيب لما تسمع سيدنا محمد عم يقلك التزم بهالشغلة كل يوم جمعة.. كرمالك مو كرمالي

بتقلو حاضر يا سيدي.. كلامك ما بينزل عالارض 🌚💙

قوم اقرأ سورة الكهف وخود نصيبك من النور والتوفيق طول الأسبوع 🔥

قال صلى الله عليه وسلم:
يا أبا كاهل من صلّى عليّ كلَّ يومٍ ثلاث مرّات وكلَّ ليلةٍ ثلاث مرّات، حبّاً وشوقاً إليّ
كان حقّاً على الله أن يغفر ذنوبه تلك الليلة وذلك اليوم

🔵 والله عبارة: كان حقّاً على الله.. مرعبة بصراحة
خلص يعني وعد من ملك الملوك.. 3 الصبح و 3 المسا مع حب وشوق بتطلع مغفور الذنب 😂💙

اليوم هو يوم الجمعة.. يعني يوم الإكثار من الصلاة على النبي صلى الله عليه وسلم 🌚💙

اوعك يخلص اليوم بدون ما تاخد نصيبك من الفضل والبركة

يوم جديد من التوفيق
ومن كرم الله وجوده علينا
ومن نعمه يلي ما بتنعد ولا بتنحصى ولا بتنوفى شُكرها

والله يلي بيتتبع النعم والخير يلي بصير معو ليضل عم يحس بالاستغراب من كمية العطف الالهي علينا 😂💙🌸

بدك يصير عندك يقين برب العالمين.. وتضل دائما متفائل بالخير؟
بس استشعر وجوده معك والله ماعاد تخاف من شي ولا عاد تاكل هم شي بالحياة

إذا كان الله معك فمن عليك 🌚💙

🔵 اللهم إني أسألك خير هذا اليوم، فتحه ونصره ونوره وبركته وهداه
وأعوذ بك من شر مافيه وشر مابعده

احلا شي لما تقرأ أذكار الصباح وتصلي الضحى وتزبط امورك
ما بصير معك شي بالنهار الا وانت متأكد انو رح تنحل.. رح تتيسر.. رح تزبط

بتعرف حالك مسلّح بالتوفيق وبتضل طول الوقت متفاءل بالخير 🌚💙

وحرفيا لما يكون عندك هاد الظن: رح تشوف عنجد انو {أنا عند ظن عبدي بي}

اوعك تعمل اي شي وانت مانك مأحسن الظن بالله.. لان هاد هو زاد المؤمن

في شغلة عم تصير كتير
ومدايقتني بصراحة 🌚💔

وكل ما فوت بنقاش بتضطر اترك النقاش عجنب وضل عم حاول الغي هي النقطة .. بس لحتى نحسن نكمل نقاش بشكل صحيح

لهيك رح يكون البوست طويل شوي

🔴 جدي ضل 45 سنة بيدخن.. وما صرلو شي ضل متل الحصان
ولما قرر يتوب تاب ومات وهو تايب وعين الله عليه

🔴 بنت خالتي تعرفت عشب بالجامعة وضلو سوا 3 سنين وبعد ما تخرجو اجا خطبها وليكن عين الله عليهن

🔴 رفيقي نجح بالغش وفات عالفرع يلي بيحلم فيه بالحرام
بس بعدين درس وتعب على حالو وصار دكتور الدكاترة لان هو شاطر بس معلش كان خايف ما يطلعلو طب بدون ما يشتري الاسئلة

هي الأمثلة هية غيض من فيض ل:

🔵 تعميم المخصص واتخاذو كقاعدة

معلش يعني انت اذا عم تقدم على مسابقة فيها شخص واحد رابح
و 600 مليون متقدم

🔹 قديش احتمال انك تربح؟ 1 على 600 مليون
🔹 قديش احتمال انك تخسر؟ 99.998٪

انت هون بتفوت عهالمسابقة وبتقول خلص رح اربح ولا بتشوف انو نسبة الخسارة كتييير كبيرة والمنطق والعقل السليم بيقلك انك رح تخسر؟

🟢 المشكلة انو الحالات الخاصة هي.. بتاخد صخب بالمجتمع وبيطلع صوتها.. يعني مين رح يجي يقلك والله انا جدي دخن قام صار معو سرطان ومات وهو عم يدخن؟
بينما الكل رح يستعرض بجدو البطل مع انو حالة خاصة

في وحدة كان مهرها 50 ليرة متقدم و50 ليرة متأخر.. رح تلاقي البلد كلها عم تحكي فيها
مع انو في 6000 بنت بنفس الوقت كان مهرن 5 ب 5 بس انت ما سمعت فيهن..
وسمعت بالحالة الخاصة

🟠 صدقني لما تحاول تحط الحالة الخاصة كقاعدة الك.. فأنت عم تحاول بس تخدّر حالك
وعم تفتن حالك بدون ما تحس
وعم تضيع بس بأوهام مارح تتحقق معك

صدقني الخاص لا يعمم لا يعمم
ورح تندم لما تلاقي حالك بعدين طلعت
شخص طبيعي مانك سوبر هيرو
وكنت متل كل الطبيعيين وما طلعت حالة خاصة

🔸 القاعدة بتقلك: الفتنة باب إن تفتحه تلجه
اذا كانت الحالة العامة هية انو يلي بيدخن كتيير صعب يترك الدخان

لا تقتدي بشخص واحد دخن وحسن يترك.. وتترك 600 مليون دخنو وعلقو وما تركو

لأن هون بتكون انت فتحت عحالك باب الفتنة
وصعب كتير انك تطلع 🌚💔

🟡 رجاءً خلونا نكون واعيين.. واقعيين.. ومنعرف حدودنا وقدراتنا
ولا نعمم الخاص وبعدين ما ينفع الندم