••❥ًً❀(•«﷽»•)❀❥ ••
اللهم صل على محمد وآل محمد
🥀 قصيده للاربعين بعنوان( خويه عباس ) كأني بلسان حال مولاتي زينب عليها السلام تخاطب اخيها وكافل خدرها ابا الفضل العباس عليه السلام بعد عودتها من الأسر الى كربلاء...تقرأ بعدة اطوار
المستهل
أجيت محروكه عباتي خويه عباس
والسبي بهذل خواتي خويه عباس
اكعد اكعد يا كمر
آنه جيت من اليسر
خويه عباس خويه عباس
༄ ★═━━▒ ━═★༄
خويه جيتك أشتكيلك باليسر يا حال حالي
من بعد بدر الهواشم مظلمه اعليه الليالي
بظهر عاشر مني راحوا أعزاز كلبي والغوالي
وبين عدواني وحيده ما بقه وياي والي
عكس وياي الدهر آنه بت خير البشر
خويه عباس خويه عباس
༄ ★═━━▒ ━═★༄
خلي اسولفلك يوالي كل عذابي وحيرتي
خويه مشوني سبيه من بعدكم يخوتي
الشمر يضربني حسافه وهو يحدي ناكتي
افتح عيونك يخويه وشوف صعبه حالتي
أنهض وطر الكبر شوف جويات الجمر
خويه عباس خويه عباس
༄ ★═━━▒ ━═★༄
خويه اكعد شوف حالي حيل متغيره تره
من يوم ما عنكم مشيت وي العده متيسره
ابضرب وصياح خويه وآنه حرمه امخدره
يالنمت فوك الشريعه وتركتني امحيره
ارجعت هسه من اليسر شوف متني يالكمر
خويه عباس خويه عباس
༄ ★═━━▒ ━═★༄
جيت يا كافل خدرنه جيت اراويك الخدر
أثر عطابه بعباتي برجلي جويات الجمر
والكلب فايض حنينه الخيي عباس الكمر
منجرح ادري إحساسك من مشيت آنه بيسر
كوم يا حامي الخدر اتمرجل عليه الشمر
خويه عباس خويه عباس
༄ ★═━━▒ ━═★༄
معذور يلطاحن جفوفك ادري ترهب غيرتك
باليسر ما هبط راسي زينب آنه خيتك
عالهزل من ركبوني روحي هي النادتك
غصب عني من اعاتب وأنتخي بمروتك
داروا علينه الكفر اسياطهم تركت أثر
خويه عباس خويه عباس
༄ ★═━━▒ ━═★༄
أرجعت يا خويه اريدك تنهض وبيدك تردني
وكافي ايام وليالي محيره الوحدي عفتني
خويه يالدكيت صدرك من اطلعت وانت الجبتني
عكب عينك يبو فاضل اسياطهم ورمت متني
وعتنيتك للنهر وآني محنية ظهر
خويه عباس خويه عباس
༄ ★═━━▒ ━═★༄
تمت بفضل الله وتوفيق منه
بأقلام خادمات أهل البيت عليهم السلام
✍# أزهار جبار الجياشي
✍# الشاعره والملايه أم علي أفضل الزينبي
غير مبري الذمه من يحذف أسماء الشاعرات أو يغيرها
نسألكم الدعاء
والفاتحه لأرواح المؤمنين والمؤمنات وبالخصوص والد الخادمه أزهار جبار الجياشي
https://t.center/🅰🆉🅷🅰🆁979