View in Telegram
Day 310 of 366 :
📍 بحر دير البلح | وسط قطاع غزة
الساعة السادسة صباحاً
هاد أبكر وقت شفت فيه البحر بعمري ✅
فبالنسبة إلي هاد أحد إيجابيات الحرب أنه نزحنا في مكان قريب للبحر ( يعني بنبّش تنبيش لحتى ألاقي شوية ايجابية وأشياء حلوة بهاد الوقت)..
صحيت، صليت الفجر، لبست بلوزتين وفوقهم جاكيت وشال، ولبست شبشب على الجرابين، فما أحكيلكم كيف كنت في غاية الأناقة 🤣😁🤏🏻، استرجعت ذكرياتي الأوروبية لما كنت أتأنق هيك برضو🤣
وبعدها قعدت على البحر، سمعت فيروز " شايف البحر شو كبير، كبر البحر بحبك"
كتبت شوي، وقرأت مقالة " حابة كتير اليوم أشاركها معكم"
وبعدها رجعت عالمخيم، عملت كاسة شاي بالمريمية، وترجمت نصّين، وقاعدة حاليا بكتبلكم عن جولتي الصباحية
وبدي أكتب قائمة أشياء بدي أعملها اليوم
وبس، صباح الخير يا أصدقاء، وإن شاء الله يومكم بكون هادئ ولطيف ورايق ❤️🫂
Telegram Center
Channel