Музей Дружбы народов им. К.Д. Уткина

Сэтинньи 30 күнэ - Хомус күнэ!

Олоҥхо тойуга Хомуска кутуллан
Охсуллар дорҕоону оһуордуур оҥордо
Аан дойду албанын абылаан аҕалан.
Оо, хомус, улуугуон!
Оо, хомус сүдүгүөн!

К.Д. Уткин-Нүһүлгэн

Саха Өрөспүүбүлүкэтин норуот, уус-уран оҥоһуктарын маастара, Ньурба оройуонун уустарын ассоциациятын бэрэссэдээтэлэ Афанасьев Ариан Васильевич-Арыйаан Уус саҥа композициятын туһунан В.А. Петрова аатынан кыраайы үөрэтэр түмэл суруйуутугар билсиҥ 🍃

Сиһилии https://mdnutkina.sakha.muzkult.ru/news/119417274

Норуоттар икки ардыларынааҕы билим кэмпириэнсийэтигэр.

Ньурба түмэлин билим-чинчийэр салаатын салайааччы Борисов Б.Б. сэтинньи 29 күнүгэр филология билимин хандьыдаата, П.А. Ойуунускай аат. бириэмийэ лауреата, СӨ култууратын үтүөлээх үлэһитэ Захарова Агафья Еремеевна сырдык аатыгар анаммыт "Истоки традиционных верований в контексте эпического наследия народов Евразии" норуоттар икки ардыларынааҕы кэмпириэнсийэҕэ "Сэргэ в олоҥхо: семантика образа" диэн дакылаатынан кытынна. Манна Борис Борисович олоҥхоҕо сэргэ ис хоһоонун уонна суолтатын көрдөрдө, онтон сэдиптээн сэргэ итэҕэлгэ уонна саха олоҕу анаарыытыгар суолтатын ырытан кэпсээтэ. Дакылаакка Саха сирин биллиилээх олоҥхоһуттарын тэҥэ Ньурба олоҥхоһуттара И.М.Харитонов-Саахардаах, С.В. Петров-Чыычаах, Г.В. Дуяков олоҥхолоро холобур быһыытынан киирдилэр.

Түмэл пресс-сулууспата

Открылась выставка юной художницы "Чудесный мир красок" 🎨✨

В Нюрбинском музее открылась первая персональная выставка выпускницы класса "Живопись" Нюрбинской детской школы искусств Александры Капустиной "Чудесный мир красок". Александра учится у преподавателя Живописи Ильиной Зинаиды Егоровны, Отличника культуры РС(Я), мастера народных промыслов и ремесел Нюрбинского района.

За эти 5 лет у Александры много достижений. Она активно участвует на выставках и конкурсах различного уровня, с самого 1 класса является отличником учебы. Александра ученица 9 класса Нюрбинской СОШ№2 им. М.С. Егорова. На выставке представлены работы за время обучения в НДШИ. 

Подробнее https://mdnutkina.sakha.muzkult.ru/news/119370545?mobile=0

Эллэй уонна "Ньурба баай тиитэ"

Бүгүн саха норуодунай поэта Серафим Романович Кулачиков-Эллэй төрөөбүтэ 120 сыла 🌿

Эллэй Ньурбаҕа ыалдьыттыы кэлэ сылдьан, Куочайга үүнэн турбут "Тыһыынча лабаа" диэн ааттаах баараҕай тиити көрөн, сөҕөн-махтайан "Ньурба тиитэ" диэн хоһоонун суруйбут. Норуот бу хоһоон тахсыбытын кэнниттэн ытык мастарын "Эллэй тиитэ" диэн ааттыыр буолбуттар. 1982 с. улахан буурҕалаах тыалга Ньурба баай тиитэ киин маһа сууллубут. Ол сууллубут мас үөһээҥҥи лабаатын түмэлбит төрүттээччитэ К.Д. Уткин экспонат быһыытынан түмэлгэ аҕалбыта. Билигин "Эллэй тиитин" Ньурба түмэлин бастакы саалатыгар көрүөххүтүн сөп.

🍃Ньурба баай тиитэ улууспут символларыттан биирдэстэрэ буолар. Холобур, Дьокуускайга Ньурба улууһун ыччатын түмсүүтэ "Баай тиит" диэн. Маны таһынан, Эллэй хоһоонунан талааннаах биир дойдулаахпыт Владимир Литвинов матыып айан ырыа гынан көтүппүтэ. Билигин бу ырыаны Александр Емельянов уонна Дора Бурнашева толорууларыгар истиэххитин сөп 🎶

@nyurba_museum