Ахсынньы 11 күнүгэр нуучча дуобатыгар сахалартан маҥнайгы СССР спордун маастара Семен Семенович Николаев олорбут дьиэтигэр Ньурба куоратыгар Степан Васильев аатынан уулуссаҕа мемориальнай дуоска аһыллыыта ыытылынна Улуус баһылыгын солбуйааччыта Наталия Петрова, Семен Семенович кыыһа Виктория Семеновна, нуучча дуобатыгар норуоттар икки ардыларынааҕы гроссмейстер, СӨ сүүмэрдэммит хамаандатын сүрүн тренерэ Иван Токусаров тыл эттилэр. Салҕыы Семен Николаев аатынан Б кылаастаах нуучча дуобатыгар республикатааҕы турнир үөрүүлээх аһыллыыта 17 чаастан Күндээдэ орто оскуолатыгар ыытыллыа. @novostisportanrb