#кулги
19 январь — Хотин куни
Гулзорлардан гул тополмаймиз,
Ертандирга нон ёполмаймиз,
Экин экиб, ер чополмаймиз,
Уйда агар хотин бўлмаса.
Тингламайди ака-укамиз,
Дардимизни кимга тўкамиз,
Мазза қилиб кимни сўкамиз,
Уйда агар хотин бўлмаса.
Эркакман деб кўкрак керамиз,
Ризқимизни эплаб терамиз,
Топган пулни кимга берамиз,
Уйда агар хотин бўлмаса.
Билолмаймиз кимга нолишни,
Эплолмаймиз жой хам солишни,
Қучоқлаймиз шўрлик болишни,
Уйда агар хотин бўлмаса.
Жавоб йўкдир оддий саволга,
Бош чайқалур минг бир хаёлга,
Гап отамиз қўшни аёлга,
Уйда агар хотин бўлмаса.
Нишонига тегадиган гаплар фақат бизда: @nishondagi_gaplar_tegadi
