#Ğazal_tahlili_dars Tahlil: 2. Sabo tahrikidin, yo‘q, balki og‘zing sharmidin boshin Quyi solmoqqa moyil bo‘lg‘usidur har zamon g‘uncha. Lug‘at: Sabo – mayin tong shamoli, Tahrik – harakat, Sharm – uyat. Nasriy bayon: G‘uncha mayin tong shamoli harakati sababli, yo‘q-yo‘q, balki og‘zingdan hayo qilgani uchun har zamon boshini quyi solmoqqa mayl qiladi. Badiiy san’atlar: Tashxis – g‘uncha shaxslantirilgan; Husni ta’lil – g‘unchaning boshi egik ekaniga yolg‘on izoh keltirilmoqda; Ruju’ – “yo‘q” so‘zi vositasida fikrdan qaytilyapti. Odiljon Rahmatulloh KANALGA ULANISH: 👇👇👇 https://t.center/navoiyshunoslik_rasmiy