#Ğazal_tahlili_dars Tahlil: 1. Tabassumda ko‘rub rangin labingni nogihon g‘uncha, Qilib diltanglik zohir, ichidin bo‘ldi qon g‘uncha. Lug‘at: Diltanglik – siqilmoq, g‘amli, qayg‘uli, Zohir qilmoq – ko‘rsatmoq. Nasriy bayon: G‘uncha nogahon rangin labing tabassumini ko‘rib qolgach, g‘amga botdi va ichi-bag‘ri qon bo‘ldi. Badiiy san’atlar: Tazod – tabassum, diltanglik; Epifora – misralar so‘ngida bir so‘z takrori: g‘uncha; Tashxis – g‘uncha shaxslantirilmoqda; Istiora – qon bo‘lmoq; Husni ta’lil – g‘unchaning qizil rangli ekaniga yolg‘on dalil keltirilmoqda; Tanosib – tabassum, lab. Odiljon Rahmatulloh KANALGA ULANISH: 👇👇👇 https://t.center/navoiyshunoslik_rasmiy