НАРТАРХЭР адыгэ фэнтези

УЭСРЭ НЭСРЭ тхылъым и япэ Iыхьэр зытеухуар:

Ныуэжьыдзэ

❄️Пасэм и пасэжым нартхэр псэуащ. Ахэр лъэпкъыжьт, хабзэжьхэми тету къекIуэкIхэрт. Нартхэр щыкIуэдыжым, нартаркIэ зэджэ лъэпкъыр ахэм къатепщIыкIыжащ.
📓Нартхэм бий куэд яIащ, биижьым нэмыщI, щIэ къахукъуэкI хъуащ. Ныуэжьыдзэт нартхэм я биищIэр. Ар благъуэ джабэм къыщIэхъукIат. Ныуэжьыдзэмрэ благъуэмрэ къырым и щIыб дэсхэт, къырри нартхэм пэмыжыжьэу щытт.
🩶Нарт Хэкум щытепщэ благъуэр псы гъэгъункIэ ерыщт. Псыр кърагъэутIыпщын папщIэ нартхэм благъуэм тыхь хуашэрт. Тыхьу Iэщ цIыкIуи ини иратырт, ауэ тIэкIу щIэри, Iэщри имыдэж благъуэжьыр хъуащ. Iэщым и пIэкIэ зи шэгъуэ пщащэхэр къапиубыдын щIидзащ нартхэм. Адрейхэми псы щхьэкIэ замыгъэлIэну, нартыпхъухэр благъуэм тыхьрэ тыгъэу хуащIын щIадзащ. Ар къыщежьар ямыщIэуи нартхэр куэдрэ къекIуэкIахэщ, зипхъу благъуэм езымыта къэмынэу. Пщащэхэм благъуэм ярищIэр зыми ищIэртэкъым. Ахэр псэууэ къэнауи, я къупщхьи зыми илъэгъужакъым.
Ящыщи ишхагъэнщ,хуэмышхыу зыгуэри къигъэнагъэнщ. Апхуэдэу зэ къэхъущ, тIо къэхъущ, ещанэри къыпыувэжри ахэр гупышхуэ зэрыгъэгъуэтащ. Пщащэхэм ялъытэрт нартхэр ахэм къепцIыжауэ, губжьыр ягу илът, лъыуэ ящIэтырт къэкъуалъэрт. Гупым благъуэм ар жраIащ, адреми псыр иубыдыурэ, пщащэ къыхуашэхэри дзэ хуэдиз ирикъуащ.
"Ныуэжьыдзэр" нарт жылэхэм дыхьэурэ ини цIыкIуи зэтриукIэу щIидзащ. Нартхэм къащыщIыр къагурымыIуэу, БЫРЫМБЫХУ деж Iуэхум щIэупщIэну кIуахэщ. БЫРЫМБЫХУ занщIэу жиIащ а къэхъур нартхэм ялэжьэжу. " Къыттеуэхэр ди бынщ , дауэ дезэуэн?",- щIэупщIэрт ахэр. Благъуэм щыхуадзхэм я бынтэкъэ?
🖤Зыуи щымыхъум СЭТЭНЕЙ щэхуу щхъухь зэхищIэри, унэIут пщащэ благъуэм деж егъакIуэ. ЩхъухьымкIэ Ныуэжьыдзэм жIыкIэ фэкIэ къатригъэуэн и мурадт, абыкIэ благъуэр игъэшынэу, хъыджэбзхэр къригъэутIыпщыжыну. Ауэ благъуэр нобэрей щIалэтэкъым, абыкIэ шына хъуакъым.
Зэгуэрым ДАНЭХУкIэ зэджэ пщащэ благъуэм кърат, абы благъуэм ифI къришэфIи мэхъу. Ныуэжьыдзэм махуэ къэс загъасэ , нартхэм я гур къахуоплъ, благъуэми щхьэщэ хуащIыурэ зэбгрокIыжхэ.

Камиллэ

Нартхэм тыхь* ящIа, Благъуэм Iус имыщIахэм ар я тхьэрыIуэт*. ГъащIэ щIэнэцIхэр щылъаIуэкIэ, тхьэрыIуэм щхьэщищэ* тращIэ. ЛъэIулъапсэм благъуэпсэр къимыгъэщIыта*, благъуэгур къыхимыгъэщтыкIа*, ауэ «хъунщ» жыхуиIэу, и кIэр щэ тригъэуащ.

Адыгэбзэ тщIэрэ? ДощIэ! ДымыщIэр иджыпсту жыдмыIэ псалъэхэращ. Ауэ ахэри къэтщIэнщ, къэтщIэжынщ, тхылъ деджэурэ.
Уэсрэ Нэсрэ я Iуэхур зыщIыпIи нэсакъым. Тхылъым и япэ Iыхьэм иджыри дыхэтщ.
Мо вагъуэ цIыкIу зытет псалъэхэм къарыкIыр комментым хэт къитхыфын?

Нобэ Блыщхьэщ

Дэ иджы "блы" зыхэту хъуар тфIэфIщ.

Сыту?

"Нартархэм" хэт ди Благъуэр... щхьиблщ!
Абы нэмыщI сыт хуэдэ щIыкIэм ихьэрэ? Хэт нэджыса?

Мыр сыту упщIэ гъэщIэгъуэн! Благъуэм имышхыу псэууэ къигъэна тхьэIухудхэм сытыт я мурадыр, жи Аделинэ.
Хэт еджа, едэIуа? ЩIалэхэм ящыщу хэт зыгуэр къитхын? Фымытхэфмэ, фытхэну зэман фымыгъуэтмэ, макъкIэ къевгъэхь.