#14_январь_Ватан_ҳимоячилари_куни
“Ватан ҳимоячилари куни”га бағишлаб “Ватанпарварлик фестивали” ва "Уч авлод учрашуви" ўтказилдиЎзбекистон Республикаси Қуролли Кучлари ташкил этилганлигининг 33 йиллиги ҳамда Ватан ҳимоячилари куни байрамига бағишлаб Ўзбекистон Республикаси мудофаасига кўмаклашувчи “Ватанпарвар” ташкилоти Наманган вилояти кенгаши томонидан Янги Наманган тумани хокимлиги, Наманган вилояти ҳарбий Прокуратураси, Мудофаа ишлари бошқармаси, фахрийлар кенгаши, Мудофаа ишлари бошқармаси ҳузуридаги “Чақирилувчиларни ҳарбий техник мутахассисликлари бўйича тайёрлаш маркази” билан ҳамкорликда
“Янги Ўзбекистон армияси-мамлакат таянчи, халқимиз фахри” шиори остида
“Ватанпарварлик фестивали” ва "Уч авлод учрашуви" ўтказилди.
Тадбир аввалида, Қуролли Кучлар ҳарбий оркестри, Қуролли Кучлар фахрий қоровули ҳамда “Ватанпарвар” ташкилотининг ракетамодель спорт секциясининг кўргазмали чиқишлари намойиш этилди.
Шунингдек, спортнинг техник ва амалий турлари бўйича кўргазмалар, ҳарбий хизматчиларнинг чиқишлари тадбир иштирокчиларига ўзгача завқ бағишлади. Ватан ҳимоячилари кунига бағишлаб ўтказилган ана шундай тадбирлар ёшларни ҳарбий ватанпарварлик руҳида тарбиялаш баробарида уларда эртанги кунга мустаҳкам ишонч туйғусини шакллантиришда муҳим аҳамият касб этади.
Вилоятимизда 14 январь-Ватан ҳимоячилари кунига бағишланган тадбирлар давом этмоқда.
