#Innovatsion_tumanlarda #2024_yil_sarhisobi_2025_yildagi__rejalar Oʻzbekiston Respublikasi Prezidentining 2022-yil 6-iyuldagi “2022-2026-yillarda Oʻzbekiston Respublikasining innovatsion rivojlanish strategiyasini amalga oshirish boʻyicha tashkiliy chora-tadbirlar toʻgʻrisida”gi PQ-307-son qaroriga asosan hududlarni innovatsion rivojlantirishning yillik milliy reytingi joriy etilgan. Shu munosabat bilan, joriy yilning 7-yanvar kuni Namangan viloyati Oliy ta’lim, fan va innovatsiyalar boshqarmasi boshlig‘i A.Gaffarov boshchiligida viloyatdagi Chust va Davlatobod innovatsion tuman hokimlarining innovatsiyalarni rivojlantirish masalalari bo‘yicha o‘rinbosarlari tomonidan “Innovatsion rivojlanish” reytingini hisoblash ko‘rsatkichlarini bajarilishi to‘g‘risida tumanda 2024-yilda amalga oshirilgan ishlari hamda 2025-yilga mo‘ljallangan ish rejalari yuzasidan taqdimot materiallari bilan tanishildi. Shuningdek, boshqarma boshlig‘i A.Gaffarov tomonidan kelgusida yangi innovatsion loyihalarni ko‘paytirish, oliy va kasbiy ta’lim tashkilotlari bilan hamkorlikni kuchaytirish, ilmiy loyihalarni xususiy sektorga jalb qilish hamda har bir amalga oshirilgan loyihalarda kambag‘al oila a’zolari bandligini ta’minlash orqali daromadlarini ko‘tarish choralarini ko‘rish kabi ko‘rsatmalar berildi. Shunga ko‘ra, viloyatning innovatsion salohiyatini oshirish yuzasidan tegishli vazifalar belgilab olindi.