Talabalarning loyiha takliflari bilan tanishildi Namangan viloyat IIB JXX YHXB rahbariyati tomonidan boshqarma majlislar zalida Namangan Muhandislik qurilish institutining Transport fakulteti talabalari ishtirokida viloyat hududida harakat xavfsizligini ta'minlash maqsadida seminar tashkil etildi. Dastlab, Boshqarma boshlig'i so'z olib, o'tgan 2024-yilda viloyatda sodir bo'lgan YTHlar to'g'risida ma'lumot berdi. Shuningdek, so'nggi paytlarda piyodalar tomonidan qoidabuzarliklar soni ortib borayotgani, shu boisdan ularni tartibga chaqirish, xavfsizligini ta'minlash borasida muhim loyihalar zarurligini ta'kidlab, bu borada talabalar fikri bilan tanishdi. O'z navbatida yo'l harakati qoidalariga befarq bo'lmagan talabalarning ko'pchiligi mavzuga doir aniq takliflarini bildirishdi. Bundan tashqari ayni shu talabalar tomonidan tayyorlangan "Xavfsiz piyodalar o'tish yo'lagi" nomli loyihalar taqdimoti bilan ham tanishildi. Uchrashuv yakunida yo'llarda xavfsizlikni ta'minlashda fakultet talabalari va YHXB xodimlarining hamkorligini mustahkamlashga kelishib olindi. Namangan viloyati IIB YHXB Axborot xizmati