Namangan viloyati IIBda dolzarb masalalar yuzasidan navbatdagi tezkor yig‘ilish bo‘lib o‘tdi Bugun polkovnik Shuxrat Aliyev huzurida videoselektor tarzida o‘tkazilgan yig‘ilishda o‘rinbosarlar, boshqarma va shahar-tumanlarning barcha sohaviy xizmat rahbarlari ishtirok etib, ijtimoiy profilaktika yo‘nalishidagi amalga oshirilgan ishlar, kuz-qish mavsumiga tayyorgarlik ahvoli hamda 3-sektor faoliyati atroflicha muhokama qilindi. Yig‘ilishda, dastlab, masʼul rahbarlarning oxirgi bir kun davomida amalga oshirilgan ishlar, tungi xizmat faoliyati va 3-sektorning ish natijalari yuzasidan axboroti tinglandi hamda yo‘l qo‘yilgan kamchiliklar keskin tanqid qilindi. Shuningdek, boshqarma boshlig‘i tomonidan ijtimoiy profilaktika yo‘nalishi bo‘yicha aholi muammolarini doimiy o‘rganib borish, ichki ishlar organlariga biriktirilgan ijtimoiy himoyaga muhtoj oilalarning ijtimoiy-iqtisodiy ahvolini yaxshilash, shu bilan birga, ijtimoiy soha obyektlari va avtomobil yo‘llarini kuz-qish mavsumiga tayyorgarligini nazorat qilib borish yuzasidan masʼul rahbar hamda xodimlarga aniq topshiriqlar berildi. Namangan viloyati IIB Axborot xizmati Websayt| Telegram|Facebook|Instagram| Youtube