​​SENSIZ Sensiz bahorlarim kuz boʻldi manim… Usmon Azim Sensiz navbahor ham qish boʻlgay menga, Sensiz bayram zahmat – ish boʻlgay menga. Sensiz ogʻzimdagi novvot ham zaqqum, Sensiz ozodlikda erksizman, mahkum. Sensiz shoʻx qoʻshiqlar figʻon-noladir, Sensiz hijron jonga gʻavgʻo soladir. Sensiz na rang, na taʼm, na ifor, na sas – Sensiz sezgilarim zanglaydi, oʻtmas. Sensiz tomogʻimga tiqilgay havo, Sensiz dardisarman, dardi bedavo. Sensiz durkun tanda notavon ruhim, Sensiz chalkashadi muhim, nomuhim. Sensiz chiroqlardan yogʻilar zulmat, Sensiz xushxabar ham tuyular kulfat. Sensiz borarimni bilmasman qayon, Sensiz na yoʻl bor-u, na manzil ayon. Sensiz nomaʼlumman – kimdir, nadirman, Sensiz bebaxtlikda yolgʻiz, nodirman… -------------------------------- СEНСИЗ Сенсиз баҳорларим куз бўлди маним… Усмон Азим Сенсиз навбаҳор ҳам қиш бўлгай менга, Сенсиз байрам заҳмат – иш бўлгай менга. Сенсиз оғзимдаги новвот ҳам заққум, Сенсиз озодликда эрксизман, маҳкум. Сенсиз шўх қўшиқлар фиғон-ноладир, Сенсиз ҳижрон жонга ғавғо соладир. Сенсиз на ранг, на таъм, на ифор, на сас – Сенсиз сезгиларим занглайди, ўтмас. Сенсиз томоғимга тиқилгай ҳаво, Сенсиз дардисарман, дарди бедаво. Сенсиз дуркун танда нотавон руҳим, Сенсиз чалкашади муҳим, номуҳим. Сенсиз чироқлардан ёғилар зулмат, Сенсиз хушхабар ҳам туюлар кулфат. Сенсиз бораримни билмасман қаён, Сенсиз на йўл бору, на манзил аён. Сенсиз номаълумман – кимдир, надирман, Сенсиз бебахтликда ёлғиз, нодирман… 4.01.2025 @n_jonuzoq