💔اهل العيد غياب
💔متجمّعه الناس امتانيه العيـــد
وانه دمعي على الخدين سافح
ومشبوحه نواظرهـــــم للاهلال
ذاك ايگول مخفي وذاك واضح
اعيّد بيش واهل العيـــــد غياب
انه عيدي من اشوفك يابوصالح
صبغ دم شيعتك مولاي الاتراب
ذاك انهـــدم بيتـــــه وذاك نازح
يمته اتهل يفرحـــــــة آل عدنان
صفنت يالولـــي وتترجّـــه بارح
لو طال وگصر هم يخلص العيد
واهلاله تره اشما كبـــــــر رايح
مابدلت ثوبي الاســــــود ابلون
ولا اعيّد انسان ولا اصـافــــــح
ولااتاني الاهلال ابوكت الاغروب
ظهر عاشر اتاني وصبري طافح
يظهر بدر كامــــــل فوگ ميمون
وره المقتل ويملي الدنيه صايح
ياثار الزچيه وثار الاخيـــــــــام
موبس بيــــُدي ابايع بالجـوارح
#عيد_شهيد~.~.~.~.~.~.~.~.~.~.~.~.~.~.~
🍃🌸مقتطفات ولائية
🌸🍃@Mwelaaeya