View in Telegram
ҚАРҒАЛАР
Масал
Қарғаойни мактабга
Директор қипқўйдилар.
Ўзингни Бургутойдек
Тутавер, депқўйдилар.
Устоз Булбул, Саъвалар,
Тумшуғида – тамғалар.
Қарғаой хўп нағмалар,
Э-воҳ, нетиб қўйдилар?!
“Жўжалар – форма кийсин,
Мен каби қора кийсин,
Тушликда нафсин тийсин!” –
Қарғаой шарт қўйдилар!
“Булбул, Саъва пул йиғсин,
Йиғганда ҳам мўл йиғсин,
Пули йўқ – четга чиқсин!” –
Қовоқ уйиб қўйдилар!
“Вижинг-вижинг, бижинг-бижинг,
Талантингиз кўргизинг,
Тез рамкага кирғизинг!” –
Тумшуқ буриб қўйдилар!
Қарғаой ўта паранг,
Димоғига бир қаранг,
Тирноғига бир қаранг –
Муштни тугиб қўйдилар!
Бу сир бўлди ошкора,
Не-не Бошлар овора,
Ўрмон аҳли дилпора –
Ғашга тегиб қўйдилар!
Келди зумда комиссия,
Комиссияда не миссия?..
Хуллас, қиссадан ҳисса:
Недир сепиб қўйдилар?!.
Буёғи яна кулги:
Маошдан чорак улги.
Устозларга ҳам туртки,
Қатор териб қўйдилар!
* * *
О, Ўрмоним, Ўрмоним,
Сенда мингта армоним!
Мен-ку, битта шоирман,
“Жазоинг”га қойилман!
Токи қалам сурурман,
Қарғаларинг койирман,
Чунки, дўстман – хоинмас,
Шу Ўрмонга доирман!
Алам-алам, жон алам,
Кўксим ёниб бородир:
Қарғаларинг дастидан,
Оққушларинг қародир!..
23.01.2025.
Носиржон ТОШМАТОВ
⭕️ Каналга обуна бўлинг👇👇👇
https://t.center/mushtumjurnali
Love Center - Dating, Friends & Matches, NY, LA, Dubai, Global
Find friends or serious relationships easily