Marka aad hesho qofkii aad sujuudaha Alle kaga baryi jirtay in uu noloshaada kusoo kordho, oo ducadaadii la aqbalo, waa muhiim in aad uga mahadceliso Eebbe si dhab ah oo shukri ah, halkii aad kibir iyo fusuq ku bilaabi lahayd hawshaadii. Waa in aad is xasuusisaa in nimcada aad heshay ay tahay deeq ka timid Eebbe oo u baahan mahadnaq iyo dhowrsanaan. Marka ducadaada la aqbalo, ma aha in aad ku dhaqaaqdo ficillo aan qiimo lahayn, sida in aad maalkaaga, quruxdaada, ama sharaftaada ku luminayso goobaha madadaalada ama ficillo aan noloshaada dan u ahayn. Halkii lagaaga baahnaa waa in aad si dhab ah uga faa’iidaysato nimcada Alle ku siiyay oo aad ugu dabaaldegto si xalaal ah oo sharaf leh. Subaxa uu meherkaagu dhaco waxaad ku dadaashaa in aad gurigaaga ku gasho magaca Alle, kuna bilowdo salaad shukri ah oo aad si qoto dheer ugu mahadceliso Eebbe, uguna duceyso in uu guurkaaga barakeeyo. Isla markaana, waxaa muhiim ah in aad aqalkaaga cusub u hoyato adigoo u hoggaansan danta guurka iyo ilaalinta xiriirka Alle, kana rajeyso inuu kuu barakeeyo. Ugu dambayn, ku ducayso cimrigaaga oo dhan in uu Alle kugu sugo garabka aad la wadaagayso nolosha, una rajayso mid barwaaqo iyo nabad ku dhammaada, adigoo dareensan in guurku yahay Jannada adduunka haddii la ilaaliyo xeerarka Eebbe. Xigasho.