رقيه حسين ضاعت بين الخيول وانه امشي سبيه وانته مكتول .... رقيه حسين خافت من الخيام من صارن رماد وجون جدام فزعتلك وجتك شافت سهام بصدرك نايمه وفراكك يطول .... تفرفح من عطشها دير العيون بس اسمع شحيح لصوت يم عون ياعمه الحكي شوفي شلون ابوي بصدره تلعب هاي وتصول .... ماتدري رقيه بحالك شصار بجت تفزع واجتك تشكي النار مشبهه بيك اخويه وتسمع اخبار حوافر خيل فوك الصدر وتجول .... رقيه شلون حارت بين الثنين العبدالله تروح ترد للحسين ماكدرت تسولف بس بجي العين اليسليهه بعدكم ونته شتكول .... ضلت حايره وضايع أملها احترت يحسين مدري شنهو اكلها اعزيها بمصابك لو بأهلها وعنهه السوط منك كايم يحول .... ✍ابو سلام الجابري ✍باقر جبار الشويلي