- مُمتنة 🌻.

- مُمتنة لله على وجود الأشخاص إللي يسهلون علينا الحياة 🩷.

- مُمتنة لله على الصباحات المُمطرة ،
على النسمات الباردة ،
على حديقتنا إللي إنملت مَي و إنسقى الزرع كُلش زين ،
على الريوگ الطيب ،
على بخور يوم الجمعة ،
على كُلشي أنعمت بي عليه ، أحمدك و أشكرك بلا توقف 💛.

- مُمتنة لله لأن صارت شغلات لطيفة بيومي :
گعدت مِن وكت بدون مُنبه و شبعانة نوم هَم ،
باوعت على وجهي بالمرايا و چان الحُب محليني ،
رحت أسوّي المُعاملة إللي صار فترة أأجل بيها ،
رجال چبير ساعدنا و دعا إللي دعوات كُلش حِلوة ، أبد مَراح أنسى كلماته و موقفه ،
إلتقيت بمُوظفين و ناس لُطفاء ،
المُعاملة صح مَكملتها ، بس تيسرت ،
طلعت دَيت وية ماما و ضحكت هواية وياها ،
سمعت أغاني رجعتلي ذكريات أحِبها ،
أخذت صور حِلوة ،
شفت جمال إنعكاس الشمس على البيوت و الأشجار بوقت الغروب ،
شفت بط گاعد بالحديقة و چان كُلش لطيف منظرهُم .
لِلأبد أحِب الأيام المُتعبة إللي بيها أركض هواية مِن مكان لِمكان ، بس تعب حِلو ، تعب و أنتَ سعيد ❤️.

- مُمتنة لله لأن چان يومي مُبهج ، خفيف ، و مَليان مشاعر حِلوة و هواء نقي 💚.

- مُمتنة لله على قُدرتي اليوم لأن كملت كُل مهامي رغم چنت تعبانة ،
على الضحك وية بابا ،
على ريحة الكيكة إللي سوّتها ماما بكُل حُب ،
على مُحادثتي وية أختي إللي أگدر يمها أصب كُل غضبي ،
على البودكاست المُمتع إللي سمعته 🩷.

- مُمتنة لله على نِعمة وجود القرآن ، لأن فعلًا بقراءته أكُو راحة و سكينة عجيبة 🩷.

- مُمتنة لأخوية لأن شاركني هذا الڤويز ،
بنته إللي عُمرها سنة تعلمت تگول ” عمة “ 🥰.

- مُمتنة لله لأني شخص أريحي ، مُستمع جيد ،
أگدر أساعدك بمُشكلتك و إذا مَگدرت ، أبچي وياك 😞.