قصيدة الليالي الفاطميه وحشه دار ام الحسن شافت هوايه محن ودعت اخر شهيد هل خبر طبعا اكيد وحشه دار ام الحسن * كمت انوح بكل مسيه ع الكظو بالغاضريه ارد اعزي اهل الحميه من مشت زينب سبيه عمت عيني عل الآبيه بيدهه تدفن رقيه حملت اسياط المنيه والرمح فوكه هديه صعبه درب ام الحسن مرت ايام الحزن ينمحي ذكرك يزيد هل خبر طبعا اكيد وحشه دار ام الحسن * بالدمع ليلي كظيته وصوت حزني ينسمع هواي تعبتني المجالس واللطم فوك الضلع شما ادك ايدي عله صدري يزيد بلضربه الوجع ومن احس بوجع ضلعي لكسري ماينفع دمع روحي خلصه الحزن ع الاهل قلبي يحن قلبي يم ذبح الوريد هل الخبر طبعا اكيد وحشه دار ام الحسن * ليليه اجمعهن جروحي من اذكر ايام السبي ومن يمر طاري خيامي بيوم حركوه العبي تصورت زينب سبيه ويحدي بيهه الاجنبي يساعد الله قلب زينب بالصبر جنه النبي يمه عاميني الزمن قلبي اعليكم يون الدرب كلش بعيد هل خبر طبعا اكيد وحشه دار ام الحسن * تعبت عيني البواجي والضلع مني انكسر وهذا حالي من فكدهم اصبحو كلهم نذر عادت ايامي الحزينه طول هوايه صفر ريت ربي يشوف حالي والدمع يفطر الحجر هل لفن كلهن حزن مابقالي اي وطن الحزن رد من جديد هل خبر طبعا اكيد وحشه دار ام الحسن * انه من اذكر عزاكم روحي تصعد للسمه كبال عيني الرمح يمه وروس عطشانه وضمه ياهو انعه وياهو ابجي وريت عيني بالعمه يمه عذبني زماني وشفت اجساد ودمه هل سره ضعن الحزن وروحي تفتر بالمدن بعد مامرلنه عيد هل خبر طبعا اكيد وحشه دار ام الحسن * #_ الشاعر جبار عبد الزهرة الشويلي