قصيدة ختم الجلاله هاك اخذ يمه وصيتي ثار ضلعي واهل بيتي راح اسويلك وكاله وبيه ختم من الجلاله * غيب يالمهدي بعيد وارجع الهم من جديد سجل اسماء الشهود والجريمه والوعيد واحفظ اثار الدماء حته ماينكر يزيد كوم حضره السلاسل وقيد بقيد الحديد خلصت أيامي وحياتي..بلا قبر تالي مماتي راح اخليلك دلاله وبيه ختم من الجلاله * امكم انه الزجيه فاطمه البضعه الابيه اقره ليليه العزيه شما يمر طاري الرزيه مجلس احزاني وعزائي باليالي الفاطميه انصب المجلس واتاني بلكت اتمرون بيه امكم انه يابلائي..المحسن اول فدائي هاك اخذ مني الرساله وبيه ختم من الجلاله * روح شوف الغاضريه وشنهي احوال السبيه وياصبح اصبح عليهه والحبل لفه اميه تستحي تحجي ابمتنهه ازرق ورم خطيه يمه واسيهه بخدرهه واخوه صرعه ع الوطيه هايه زينب ياوضعهه ... ينضرب وسفه ضلعهه هاك اخذ ضلعي ابداله وبيه ختم من الجلاله * انه هم ضلعي كسير باب بيتي انطعن وانعصر بطني عله بابي ومحسن بطني اندفن شراح اوديلك ييمه تبدله ويم الحزن بكربله عمتك سبيه والشمر حادي الضعن تبجي مابطل دمعهه..راس اخوهه فوك منهه انكطع نحره وفصاله وبيه ختم من الجلاله * هاك اخذ تاج الامامه يمه يالمهدي بسلامه وهل الوصيه خذهه مني حسابهم قبل القيامه ارد اشوفك تشفي قلبي ورايده منك علامه كون ابو الحسنين يرضه وتشفي قلبه وانتقامه اصبحت انته الوكيل..تاخذ بثار الكفيل هذا جفه وشوف حاله وبيه ختم رب الجلاله * #_الشاعر جبار عبد الزهرة الشويلي ٢٠١٨/١١/١٦