الشاعر مهند الشمري

#يارسول_الله
#عظم_الله_اجرك_فاطمة




هليلله مخنوك الهوى
والنجمه ضلمه بلا ضوه
متغيره الوان الارض
والموت ناوي اعله الفرض


ضل واكف متاني الٲمر يعفي ربه اتمنه
بيت النبوه بهل وضع الام بي او ونه
ضل يرتجف لمن وصل حد بابه من ٲدنه
لآزٍمٍ يدكه بلا ٲذن ميصير طبت الجنه

ٲول بشر يستٲذنه
مو سهل بسمة المٲذنه
الريح شفتة بلا وعي
والموت ناوي اعله الفرض
----------------------

شايل رساله من العلي يوصلهه يم الٲحباب
لكن سمع نوح وبجي متوقعه خلف الباب
مايكدر يشوف الحصل هل بيت مطبة غراب
الريح لْـۆ مرت غفل لزم يلبسوهه حجاب

واكف عل الباب الحزن
يدريهة جوه ام الحسن
جن ضلمت عين الشمس
والموت ناوي اعله الفرض
----------------------
توديع التحبه صعب وشلون توديع النبي
يم اهله صار موادعه لاسهم لاغربه وسبي
بلا صوت تبجي فاطمة الموت تعتبرة اجنبي
والدمعه عدهة مخدرة تلبسهه من تنزل عبي

اول علامات الضلع
خانوهه الوصيه الربع
جبريل رتل دمعته
والموت ناوي اعله الفرض
-----------------------
تغسيله بعده ٲبوله لٱ ضل حمد لا بسمله
ما وصة كالو هل نبي صار الشرع كلمن اله
ذبحو محمد بالفعل هم جان عدهم حرمله
وحدة الولي بذاك المسى قرانه بيده يحمله

معروفة نيتك ياعلي
ماهمتك انته الولي
الهمك الباع وهجر
والموت ناوي اعله الفرض
-----------------------
دمعاته يجريهه الملك والروح عرجه بيده
ناحت ملائكه السمه وكل ملك يمه يريده
ون الحسن ونه قهر وحسين ونه يعيده
عاشر صبح ذاك المسى غاب الهلال وعيده

حيا على خير الدمع
حيا على كسر الظلع
زكي العيون عله النبي
والموت ناوي اعله الفرض



مهند الشمري


@mohand8989