📢ترەمپ دەڵێت، ئەردۆغان لەسەر داوای ئەو هێرشی نەکردە سەر رۆژئاوای کوردستان. ئەمڕۆ دۆناڵد ترەمپ کۆنفرانسێکی رۆژنامەڤانی ئەنجام دا و گوتی، ئەردۆغان لەسەر داوای ئەو لە 2019دا وازی لە هێرشکردنە سەر رۆژئاوای کوردستان هێنا. ترەمپ گوتی: ئەردۆغان هاوڕێمە و کەیفم پێدێت. پێم وایە ئەویش رێزم دەگرێت. ئەو، ئەو کەسەیە وازی لە هەندێک کەسی دیاریکراو هێنا دوای ئەوەی داوام لێی کرد وازیان لێ بێنێت، دەزانن باسی کێ دەکەم، کوردەکان. ترەمپ گوتی: "نازانم ئەوە تا کەی بەردەوام دەبێت، چونکە ئەوان دووژمنی سرووشتی یەکدین، ئەوان رقیان لە یەکترییە، بەڵام ئەردۆغان تاوەکو ئێستا هێرشەکەی نەکردووە، هەروەها لە رابردووش ئەوەی نەکرد. ئەو دەستیپێکرد، بەڵام پێم گوتم، تکایە ئەوە مەکە و ئەویش نەیکرد." ترەمپ رەتیکردەوە وەڵامی رۆژنامەڤانان لەبارەی مانەوەی هێزەکان لە رۆژئاوا و ناوچەکانی ژێر دەسەڵاتی بەڕێوەبەرایەتیی خۆسەر بداتەوە و گوتی، "ئەوە بەشێکە لە ستراتیژیی سەربازی". 2019 ترەمپ بڕیاریدا بەشێک لە هێزەکانی ئەمریکا لە هەندێک ناوچەی ژێر دەسەڵاتی بەڕێوەبەرایەتیی خۆسەر نەهێڵێت و زووش تورکیا هێرشی کردە سەر سنووری سەرێ کانی و گرێ سپی و داگیری کردن.