📢گەنجێکی کورد CHAT GPTی سۆرانی دروست دەکات گەنجێکی کورد شارەزای تەکنەلۆژیا، ساڵێکە کار لەسەر زیادکردنی زاراوەی کوردی سۆرانی بۆ Chat GPT دەکات، بۆ ماوەی دوو ڕۆژیشە کەوتووەتە کار. دانیار کامەران ڕاگەیاند، بیرۆکەکەی لەوە بۆ هاتووە کە زاراوەی کرمانجی لە پلاترفۆرمەکەدا زۆر بەهێزبووە، ئەمەش بەهۆی ئەوەی شێوازی نووسینی زاراوەکە بە پیتی لاتینی هاوشێوەی زمانی ئینگلیزییە و توانای گەشەسەندنی ئاسانترە و ژمارەیەکی زۆر بەکارهێنەری هەیە، دەشیەوێت ئەو کەسانەی کە زمانی ئینگلیزی بە باشی نازانن سوود لەم تەکنەلۆژیایە وەربگرن بۆ وەرگرتنی زانیارییەکانیان. هەوڵ دەدرێت پیتی کوردی و زاراوەی سۆرانی و سەرچاوەکان و بەخشینی زانیارییەکان بەرەو پێش ببات، تاکوو زیاتریش بەکارهێنەری هەبێت سەرچاوەی زیاتر بۆ زیاد دەبێت، دەشتوانرێت بە شێوەیەکی فەرمی زیاد ببێت بۆ چات جی پی تی گشتی. ئەم چاتە گفتوگۆیەکی ژیری دەستکردە کە دەتوانێت وەڵامی پرسیارەکانی بەکارهێنەر بە کوردی سۆرانی بداتەوە، هەروەها شیکردنەوە بۆ وێنەکان بکات کە دەخرێتە چاتەکەوە، یاخود ئەو وێنەیەت بۆ دروست بکات کە داوای لێ دەکەیت. 🌅لە میدیای سەربەرزی هاوڕێمان بن Telegram | Instagram