تابع تجربة زميلنا د عبد الرحمن في بريطانيا تاني عشر دقايق بتبقى سيناريوهين إكلينيكيين وليهم طريقة في الرد ومصادر مذاكرة. هحط المصدر اللي ذاكرت منه برضه ومصدر حد زميلي هنا رشحهولي رغم إني ملحقتش أقراه. بالنسبة لأيرلندا الشمالية تقريبا الأنترفيو مماثل في الجزء التاني بس الجزء الأول بيبقى مش منظم أوي زي كلمني عن السي في بتاعك و عملت أي امتحان MRCS ولا لأ وممكن يسألوا عن Audits, presentations الخ. بعد كل ده بتستنى النتيجة وأثناء الانتظار بينزل ترتيب الرغبات للوظايف (حوالي 600-650 في السنة للمملكة المتحدة) وبترتبهم حسب الdeanery وهي مجموعة من المستشفيات في مدينة واحدة أو أكتر وحسب الplacement يعني السنتين بيبقوا متقسمين بين أقسام مثلا 6 شهور جراحة عامة و 6 تجميل و12 عظام وهكذا. أيرلندا مفيهاش ده -معرفش بيحصل امتى لأني رفضت العرض اللي بعتوه-. النتيجة متقسمة 30% بورتفوليو و10% امتحان MSRA و ال60 الباقيين انترفيو. بتظهر النتيجة في صورة الرغبة اللي جاتلك وبتتسأل عايز تقبل ولا ترفض ولا تhold ولا accept with upgrade. أول اتنين واضحين بالنسبة للاختيارين التانيين فhold بيديك فترة لحد تاريخ بيقوله عشان تشوف عروض تانية من أبلكيشنز تانية -أنا مثلا عملت كدا لما اتقبلت في أيرلندا لحد ما أشوف اللي هيجيلي في إنجلترا- بينما accept with upgrade فأنت موافق على المكان مبدأيا بس لو حد جتله وظيفة فوق في ترتيبك بيخليك تأخدها لو الشخص ده رفضها أو اتعمله upgrade منها. الخبر الحلو إنك ممكن تعيد ترتيب رغباتك مرتين في النص. لو قبلت عرض كل الأبلكيشنز التانية بتترفض تلقائياً. هحط كل اللينكات في الكومنتات وممكن تاخدوا البوست في أي جروب من غير استئذان. أي سؤال مرحب بيه سواء في الكومنتات أو الرسايل. صورت فيديو لطيف فيه كل ده لو مش عايز تقرا هحط اللينك بتاعه وبظبط لينك لتفاصيل البورتفوليو لو قدرت أفضي نفسي واظبطه وأرفعه إن شاء الله جروبنا لكل الزمالات البريطانية https://t.center/+g5ChTkbXQ29mMWFk