محتاج تتصالح جداً مع فكرة إنك تُهت تاني بعد ما كنت فاكر نفسك خلاص حافظ مكانك.. وإنك رجعت تتلخبط تاني في نفس اللي كنت فاكر إنك خلاص عديته وإنك وقعت تاني في نفس الغلطة اللي وعدت نفسك مش هتقع فيها هي بالذات.. وإنك عمّال تعُك الدنيا وأنت اللي كنت فاكر نفسك نضجت تماماً خلاص تصالح إنك صدقت إنك عَلمت قلبك النَشَفان وإنه مايفرقلوش حد.. واكتشف إنك حتى بعد كل اللي شفته في الدنيا لسه قلبك هَش زي الطفل