تیرنگ ملودی قدیمی مازندرانی ●●●●●●●●●● اوجادارِ وَر اَتّا تیرِنگ پِرِسّا وِنه پِشتِ سَر اَتّا تِفِنگ پِرِسّا دنگ و دنگ و دنگ، تِفِنگِ وَنگ پِرِسّا تیرِنگ بَکِته وقتی فِشِنگ پِرِسّا مِه ماهِ تابون یار! ماهِ مهربون یار! دَسِّ نامَردِمون بَیمی سرگِردون یار! صِواحی سَر و مِن دَیمه جِنگِل شیمِه تیرِنگه تیربَخِرد، راهِ سر بَدیمه اَتّا خِش هِدامِه وِنه سِرخِ دیمِه چِش دَوِسّه بَوته: "مِن دیگه دَنیمه!" مِه ماهِ تابون یار! ماهِ مهربون یار! دَسِّ نامَردِمون بَیمی سرگِردون یار! تیرِنگ سِرخِ دیم و اِسپِه گِردِن دارنه وِنه چشِ پَلی اَی بَمِردِن دارنه وِ کَشه بَزوئِن، ناز هاکردِن دارنه کِدیم ناکَس بَوتِه وِ بَکوشتِن دارنه؟ مِه ماهِ تابون یار! ماهِ مهربون یار! دَسِّ نامَردِمون بَیمی سرگِردون یار!