قناة خطباء المنبر الحسيني للقصائد

الرواية _الأولى_لشهادة_الصديقة -الزهراء_ع

#نعشها_شاله
#يافاطمة_الزهراء

نعشها شاله بو الحسنين يُصُب دَمعه
دِلِيله مهّدَمْ ومُحزن عَلى البضعَه
دِفن روحه بوسط حُفره وقِعَد ينعى
بفؤاده شايل احزانه وآثر صفعه

✍#خادمة_أبي_الفضل
✹......................✹......................✹

نعشها شالهْ بكفوفَه علي حيدر
ودمعْ عينَهْ عَلَى خَدِّينَه يتحَدَّر
يقلهَا فاطمةْ، وبْروحَه يتحَسَّر
تَمَنِّيت الضّلع منِّي اللِّي يِتْكَسَّر

✍#زينب_فياض
✹......................✹......................✹

نعشها شاله وعيونه تهل دمعه
ومن جس الضلع نار استعر ضلعه
حنان البيت هالليلة بده ايودعه
وبقلبه الونين المرتضى ايوجعه

✍#زينب_الخفاجي
✹......................✹......................✹

نعشها شاله بالونّه وگلب مجروح
وناداها بأمان الله يا روح الروح
يزهرة عمري وسنيني عليچ النوح
الدنيا ٱسوّدت بعيني حلم مذبوح

✍#خادمة_آل_محمد
✹......................✹......................✹

نعشها شاله بو الحمله ودفنّها بليل
وقلب زينب يألمها ودمِعها تسيل
يظل ينزف على الزهره ويهد الحيل
عقب أمها بعد منهو لـِحملها يشيل

✍# حمود
✹......................✹......................✹

نعشها شاله من داره يواريها
دمعته عالوجن ياويلي يجريها
سمع زينب تنادي امنه خليها
يگل فضة اليتيمه الليله واسيها

✍#ام _محمد_الحجاج /العبادي
✹......................✹......................✹

نعشها شاله بالظلمة خذاها وراح
دفنها وعالگبر دنگ يفاطم ناح
تركتيني وحيد وگلبي مملي جراح
عگب عينچ بعد ماكو سعد وافراح

✍#ولائية_وافتخر (دعاء العامري)
✹......................✹......................✹