قناة خطباء المنبر الحسيني للقصائد

#استشهاد_السجاد
#وفاة_السجاد



جامعه يصعب ذكرها
يبگى بالسجاد أثرها
------
(1)

من اجا الباقر يغسله
هلت ادموعه يگله
يا الابو لـ تظنه سهله
أنسى لسياط وزجرها

------
(2)
يصعب إعليه اطرحك
اسكب الماي و اجرحك
ادري هالموقف يذبحك
تذكر الطف وغذرها

------
(3)
ذكرى تبگى من جروحي
تنزف ابكل لحظه روحي
ما ابطله اعليك نوحي
والمحن تدري اشكثرها

------
(4)
الله يا عظم الرزيه
حالتك حاله شجيه
من بعد ذيج البليه
هالمصيبه شاع أمرها

------
(5)
جامعة حزن ورزايا
تنزف ابدم الضحايا
كربلا ام البلايا
وانته يالساجد بأسرها

------
(6)

يا جسم مثلك تحمل
عالهزل اغصونه تذبل
ابسلسله جسمك مكبل
والدما تنزف نهرها

------
(7)
جاوبه والحال يبدي
لا تزيد النوح ولدي
جهز ابهالساع لحدي
والطم الهام ابعشرها

------
(8)
من اشوي الماي انعي
والحزن والنوح طبعي
ما نشف لليوم دمعي
والاسى قوض صبرها

------
(9)
غسلي من دمعات عيني
واذكر الصار بسنيني
لا ابد منسى الحُسيني
حتى لو ساعة قبرها

------
(10)
والكفن رآية بو فاضل
من دموم الطف شايل
مفخره وعلم وشمايل
والوفى يبقى ابعطرها

------
(11)
من تنزلني الحفيره
لا أهل عندي وعشيره
أنشد أبيات الكسيره
واختم احسين بعمرها

( وزن الشبگها – رباعي )

عبد_مُحمد_وآل_مٌحمد / #مفضل_حبيب
القطيف