الشاعرة الحسينية العاملية ~خادمة آل محمد ص:
#لبيك_يا_حسين #مولاي_حســين_وكفى سجل اسمي~~وٱكتبه وي هالخدم
سجل اسمي~~والدموع ابچيها دم
سجل اسمي~~ عمري وانفاسي لطم
~~~~~~~~
نصبنه للعزا خيمه وبيها نلطم رقيه
احرگنه بجمرة خيامك وحروف اسمك بمرثيه
ودعنا بدمع عاشور وْخِدمنا بهالحسينيه
وٱحضرنا مجالس نور ولطمنا بخالص النيه
يا دموعي~~سيلي لمصاب الغريب
يا دموعي~~ابكي للخد التريب
يا دموعي~~لا تكفي من النحيب
〰〰〰〰عالله يگبل الخدمه ويسجلني ويا هالخدام
كم عاشر بْهلاله هل وگلبي يعتصر آلام
عمري ٱنذرته للونّة عساها تخلص الايام
بخدمتك يا ولي الله يمتد هالعمر بيّه
يا حبيبي~خدمتي لاجلك قليل
يا حبيبي~انت لذنوبي كفيل
يا حبيبي~ يا دمع عيني ليسيل
〰〰〰〰علامة عالصدر خليت وقريت بدمعه لطميه
واسيت امك الزهره بعقد مجلس وتعزيّه
اكون لمنبرك خادم اظن هذا شرف ليه
زاير ٱلك تسجلني مشي بالاربعينه
خلني يمك~~ يا اعز من كل حبيب
خلني يمك~~انت لجروحي طبيب
خلني يمك~~ابكي للشيب الخضيب
〰〰〰〰〰الشاعرة الحسينية
خادمة آل محمد
✍🏻