#مناجات#صاحب_الزمان#نخوة#المهدي#يا_صاحب_الزمان 🕊يا بو صالح
تدري بغيبتك مولاي جم محنه صابتنا
واحد يذبح الثاني وناس هواي خانتنا
بينا حكمت اعدانا وتشتت شمل امتنا
العدل البينه هم يموت وتموت وياه بسمتنا
🕊يا بو صالح
ترست جنايزنا الگاع يمهدي وغابت الفرحه
بكل وادي دمانا تسيل وشكبر الوطن جرحه
شنروف الجروح اهواي ويصعب هالوضع شرحه
ليل المصايب طال يا يمته يجي صبحه
🕊يا بو صالح
ما حان الظهور وصار مو من صبر ملينه
لجنهه الجروح اهواي وشمع العمر وجينه
جفت ادموع الورد ومحاجر عين صبينه
يمته شمسك امن غروب تهل وتشرق اعلينه
🕊يا بو صالح
دخيل بداعة الزهراء اشهر سيفك البتار
اعليك المنذبح عطشان والسارت على الاكوار
لا تبطي السفر مولاي بغيابك عمت الابصار
براية عدلك احيينه ولتخلي الشمل طشار
#اللهم_عجل_لوليك_الفرجخادمة الزهراء /ليلى زغيب
الشاعره ليلى زغيب
اين الطالب بذحول الانبياء وابناء الانبياء