قناة خطباء المنبر الحسيني للقصائد

#محرم_1439_الحسين_ع_الناشر_الحاج_فلاح_حسن

السيده زينب عليها السلام تودع اهلها قبل الخروج من كربلا
—---------—
يالحااادي يالحااادي
من تگطع الوااادي
مرني انظر الحال اخوتي
وعليهم اشسادي
—----------
مرني بجسد جسام /ليث الوغه الضرغام*
امه تنادي وتنتحب
تبچي اعلي بدر التام
وكت العرس يبني / بفگدك تعذبني
چفوفك يحنيهه الدمه
وعالغبري دامي اتنام
(ابوذيه)
المصايب لعدرمله ينزفلهه
وجرح بالروح خلن ينزفلهه
وحيّد ولد عدهه وينزفلهه
علي سيوف العده بالغاضريه
جيت آنه اودعنك * مطبر اتركنك
يمك لظلن للابد
لو تقبل الظلام
لگضي العمر بالنوح * بعدك يابعد الروح
بونّه وعويل ونايبه
تتبدل اعيادي
يالحاادي يالحاادي
—------—
مرني بجسد لاكبر * شبه النبي الازهر
مگدر اعوفه اعلي الثري
خدّه بدمه معفّر
واتودعه ليله * يم جسمه تنعيله
وردة عمرهه اتشاهده
بسيف العده مطبر
(ابوذيه)
يمن وارث من الهادي شمالك
ملت للگاع ياوليدي شمالك
يالاكبر ليش تتركني شمالك
غريبه بلاحمه ويرجاس اميه
خل تحظن جروحه * بلكت ترد روحه
وتعاتبه ليش بهظم
تتركني يمشكر
اگعد يبعد اچلاي * خلي اشربك ماي
جرح البراسك يالولد
يا ريته بفّادي
يالحادي يالحاادي
—----------
مرني علي الانصار * اهل الوفه الاحرار
ارد اعتب اعليهم عتب
واشرح علينه شصار
بت حيدره يدرون * اعليهم مظن ايهون
بلكت يجون النصرتي
وبيديهم البتار
( ابوذيه)
بدليلي الحزن من الصار ينصار
غريبه ولا الي بالگوم ينصار
صحت بصوت ياهل الشيم ينصار
الحگو البت علي راحت سبيه
وينك يابن ظاهر * يالبالضنك ناصر
ي برير ويابن عوسجه
ياعابس المغوار
گلبي بحزن داوي * وظعن اليسر ناوي
وصوت الألم يهل الوفه
الكم غده ينادي
يالحاادي يالحاادي

بلله ياحادينه * بالگمر مر بينه
حادي الظعينه اعلي النهر
مگطوعه چفينه
نجري الدمع يمه * ونغسل نزف دمه
ونحشمه راعي العلم
بلكت يفك عينه
(ايوذيه)
فگد عباس دلالي وجربه
نحلني وگمت اسح ثوبي وجربه
رحت له وشفت چف طايح وجربه
وعلم مطروح يم جسم الشفيه
عگبك يبو النوماس * راح الخدر عباس
واستوحدونه اهل الرجس
منهو اليحامينه
خويه انظر متوني * ترضا يضربوني
يالي جبتني انهض الي
ورجّعني لبلادي
يالحاادي يالحاادي
—---------—
مرني بعزيز الروح * ابن امي المذبوح *
ماي ارد اشرب منحره
واغسل دمه لجروح
يمه اجر الآه * والطم عليه وانعاه
ظامي انذبح ياحسرتي
وظل عالارض مطروح
( ابوذيه)
انصحوني الهه وگلت ياناس شلهه
مهو روحي مصاب حسين شلهه
حرت لمن جروحه نويت شلهه
غميجات وصعب شلهن عليه
بصدره اقبلنه * بنحره اشمنه
لحظه واعوفه للأبد
وبالذل ظعنّه ايروح
حسيني علي التربان * جسمه يظل عريان
بعده اسكن بيوت الحزن
زاد القهر زادي
يالحاادي يالحاادي
—-------------


لخادم العقيله عليها السلام
سيدناصر الموسوي

#الناشر_الحاج_فلاح_حسن

#يسمح_بالنشر_ويسمح_حذف_حقوق_القناه
#ولا_يسمح_بحذف_اسم_الشاعر_او_تغيره
#ولا_يسمح_بالنشر_للقنوات_والكروبات_التي_تضع_عباره_غير_مبري_الذمه_من_يقوم_بازاله_روابطها