قناة خطباء المنبر الحسيني للقصائد

#قصائد_في_خدمة_الخطباء
#محرم_١٤٤٦
#مجلس_الشام
#الشام

صورة شعرية.. لسان حال العقيلة عليها السلام لسيد الشهداء عليه السلام

(طور يا ليلة الحادي عشر)

شفْت آنه راسك بالطشت .. وسال الدمع من عيني
ونّيت الك سكته لأن .. خافن يسمعو وْنيني

١/يا خويه آنه بت علي .. الما لحظه هد حيلي الهم
بس لا تِلوم دْموعي لل .. وجهِ اليِغَطّيهِ الدّم
گلبي عَلى جروحك يون .. وروحي إلك تتألّم جْبينك شفت بيهِ الجرح .. ريت الجرح بجبيني

٢/من وگّفوني بْمَجلسه .. ويّه الحرم بين النّاس
ظل يشمت بْحالي يزيد .. وِيْگلّي وينه العبّاس
إيدَيَّه مشدوده بْحَبِل .. ومقروع بالرُّمحِ الرّاس!
حالي صعب ومصيبتك .. مثل الجمر تكويني

٣/صحت وندهت بحسرِتي .. يا ريته حاضر جدك
ينظر جُروح بْوجنتك .. وينظرله أحمر خدّك!
يا ريته حاضر ينظره .. حالي يخويه بعدك
ينظر متوني اللي نْحِنَت .. وِالسّوطِ لِمأذّيني


#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#محرم_١٤٤٦
#مصائب_الهاشميات
#مجلس_الشام
#الشام

صورة شعرية.. لسان حال العقيلة زينب عليها السلام لصاحب الزمان صلوات الله وسلامه عليه

(وزن الطويل)

يطالب ثاري يا مهدي .. إلك يا عمه أشكي الحال
دَخْلوني على ابن زياد .. أسيره مگيده بحبال

١/من طبيت للمجلس .. صرت بچفوفي أتستر
تاليها نظر لَيّه .. وِبْإيده عَلَيْ أشّر
گلهم منهو هالحرمه .. گالوا هاي بت حيدر
زينب إخْت ابو فاضل .. الچان الحامي والكفّال

٢/يا مهدي شسولفلك .. المصايب لو أعد كثره
منها مْصيبه أذّتني .. وخلّت بالگلب كسره
راس حسين بعيوني .. شفته ينضرب ثغره!
والملعون يتشفّى .. بيهِ وْتنظره الأطفال

٣/ما خلصت مصايبنه .. ولا خلصت ترى الآلام
بعد كوفان مشونا .. مسبيات لارض الشام
وخلّوا عالرماح الروس .. گبال الحرم والأيتام
وعلي السجاد ويّانه .. منّ الضّرب ظهره مال


#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#مجلس_الشام
#محرم_١٤٤٥

لسان حال السيدة زينب عليها السلام للرأس الشريف..

(وزن النصاري)

١/مُصيبه عْلى الگلب يا خويه صعبه
يِزيد گبالي ظل راسك يِضُربه!
ما يكفي الدّمع لو كلّه اصُبّه
ولا يكفي وِنيني وكثرةِ النّوح

٢/يِعِزّ اعْليه اشوفن شيبك احمر
واشوف مْنِ النّحر دمِّ يْتِگَطَّر
حالك هذا هدني يا بو لاكبر
حرمه وما بُقَتلي من الألم روح

٣/أوِعدَك خويه صبري ما أعوفه
وحگ عبّاس ابو الغيره وچُفوفه
رغم كُلّ الظّلم هذا الأشوفه
ورغم گلب انترس باشكال لجروح

#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#مجلس_الشام
#محرم_١٤٤٥

في مجلس اللعين يزيد..

(طور الجزع/ودعتك وظهري انكسر)

شامت نظر ليها وبديه الراس
گلها عجيبه ما فزع عباس
مو چن يشوفن اخته بين الناس
وبديها حبال

وينه الغيور الاسمه بو فاضل
يشوف الظهر من السبي مايل
ما يدري چنه بالجسد ناحل
على هذا الحال

گالتله لو حاضر گمر هاشم
ما يبقى راسك لحظه يالظالم
لكنّه صبري على البلا لازم
وعلى الچتال

#عظم_الله_أجوركم ◾️

فاطمة علي رزق
اسألكم الدعاء