#محرم_١٤٤٦#لحن_صديقى_الأبدي ( شعبي)
#طور_أمك_إجيت_أنه ( للشيخ محمد درويش )
#طور_حضريني_يالزهره#شهادة_العباس_ ع
#رجوع_ الإمام_الحسين_ ع وحيدا إلى المخيم
عينيني يا زينب شِمتت بإخوك إعداه ( إشصار )
طاح البطل عباس لا يُسره لا يمناه
جِيتك بَلا كافل قومي الدّمع سيلي
عند النّهر غافي فقده هِدم حيلي
قومي إلبسي الأسود ما ظل إلِك حارس
من يحرس اخيامك لو هوى الفارس !!!
واعباساااه
💔لو تنظري لحاله عِنده إنكسر ظهري
وحدي و خلاني بعده شِلي بعمري
راح القمر عباس ومصْوَّب بعِينه
يَمّه العلم طايح مقطوعه كفينه
شِلته بوسط حضني وناديته يا الغالي
الشّامت يِصدلي ايقول وحدَك تِظل تالي
#هنا صاحت زينب واعباااساه ، واخااااه ونادي الحسين بأبي وأمي واضيعتنا بعدك يا ابالفضل ، ارادت زينب ان تسرع الى المشرعه
( لعلها تجد بالعباس رمقاً من الحياة) نادها الحسين إلى اين يا زينب :
يزينب راح ابو فاضل .. يا زينب راح
صاح إلها أبو السجاد .. يا زينب صاح
بعد ما يعود وانه وحدي .. يا زينب ناح
غريب وغربتي مره .. بعد عيناه
وحيد ولا أخو عندي .. وجيت انعاه
يِرد وياي تِمنيته .. وانه وياه
يقللها :
وحق أمي البتوله لا بعد مَيعود
على شِط النهر عِفته قطيع زنود
وبعينه السّهم نابت قبل بالجود
عساه الموت إجى ليّه قبل ما يروح
🖊خادمة ابي الفضل
