قناة خطباء المنبر الحسيني للقصائد

قصيدة في رثاء الامام علي السجاد عليه السلام


بين الحزن والنوح ابچي بگلب مجروح
عالـوالـد المـذبـوح. ياحسين ياحسين


ياشيعه ذكروا مصيبتي السجـاد آنـه بدمعتـي
ابچي عله ابويه المنذبح. خلّصت عمري ودنّيتي
لاموني ليش اجري الدمع. صبح ومسه ما ينگطع
گلـتلـهـم بعيـنـي شـفـت راس الحسين المنگطع
يامـن تسمـعـــوني. لا لا تلـومــوني
عالشـافـتـه عيوني. ياحسين ياحسين
...............

منهو المثل گلبي حمل. آهــات وجـروح وعلل
السجاد آنه وشـاهـدت. زينب سبيّه عله الهزل
وانه العليـل بعـلّتـي. وشلون اساعد عمّتـي
شفت العقيله ميسّره. يامحنه توصل محنتي
لو ابچي ليل نهار. ما تطفي بيه النار
عالهاشمـيّـه شصار. ياحسين ياحسين
........................

ياويلي بالشام شّجَره. كل عمري ابقه تذكّره
لمجلس يزيد مچتّفه. زينب تطب اميسّره
يتشمّت عليـها النذل. وبچتل ابويه محتفل
هالمـوقـف منتذكّــره اتـعــذّب ودمعـي يهل
يسمع بواچيها. يتشمّت عليها
وتنادي واليـها. ياحسين ياحسين
...........................

السجاد أنه وعمري حزن. بين المصايب والمحن
مـن آل اميّــه تـعــذّبــت. ما انصف ويـاي الزمن
ابچي واون طول العمر. مل وجزع منّـي الصبر
اذكـر ابويه المنـذبـح. عالغبره مهشوم الصدر
بجروحي وآلامي. اگضيها أيامي
عالمنذبح ضامي. ياحسين ياحسين
........................

بمصاب ابويه اتعذّبت. غير المصايب ما شفت
بلاذنب ظلموني العده. سمّوني عدواني ومتت
گطّعوا بالسّم چبدتـي ياويلـي ذابت مهّجتـي
مظلوم مسموم بحزن. لمـن متت ياشيعـتـي
دفنوني باحزاني. والغربه عنواني
مكتـوبه بكفـاني ياحسين ياحسين
.........................

قصّة مصابي المؤلمه. ذكروها تحضر فاطمه
تسجّل اساميكم اذا. يومي نصبتوا مأتمه
لمصيبتي صبّوا الدمع. گلب الزچيه المنفجع
واسوها هاي أم الحسن ياذيها من تبچي الضلع
ذكروني بمصابي. ياناسي وحبابي
كتبوا عله ترابي. ياحسين ياحسين

خادم الامام السجاد عليه السلام
سيد زيد الفحام
______________________________ __




#الناشر_الحاج_فلاح_حسن

#لايسمح_بتغير_وازاله_اسم_الشاعر

#محرم_١٤٣٩_الناشر_الحاج_فلاح_حسن



يم المخيم . وكفت زينب
يم المخيم . ضلت تنحب
واتشاهد وسط الخيمه ازغار . ويه الخيمه احترگوا بالنار
يم المخيم . ضلت تنحب

يم خيمها واهي تبجي الحره وكفت
تنضر اعله النار وسط الخيمه شبت
شاهدت طفله تون بالخيمه ضلت
اتگلها طلعيني يعمه او جفها مدت

النار احرگتني . صاحت عمه
او ضل حتى متني . ينزل دمه
زينب شاهدتي ابحالي اشصار . ويه الخيمه احترگوا بالنار
يم المخيم . ضلت تنحب

احتارت الحره تريد اتطلع الاطفال
انتبهت الايديها شافت بيها الحبال
رادت اتطفي خيمها ابكومة ارمال
واستحت ويلي العقيله من الرجال

حرمه او وحيده . وسط الغربه
يضربها بيده . الميت گلبه
كل عيله ابلا كافل تحتار . ويه الخيمه احترگوا بالنار
يم المخيم . ضلت تنحب

طفله رادت تطفي هالنار ابهدمها
من بعد ما وصلت النار الجسمها
ركضت او فوگ الجمر يسحگ جدمها
الطفله هذي اعتقد سكنه اسمها

هي او رقيه . اشكد عذبوها
هي او رقيه . اشكد ضربوها
بالحومه او ما عدهن انصار . ويه الخيمه احترگوا بالنار
يم المخيم . ضلت تنحب

اعله الشريعه زينب اتوجه نضرها
صاحت اختك يابو فاضل ما تمرها
تدري بختك الشمر بيدينه جرها
وتدري زينب بس دمه يگطر ضهرها

جم مره طاحت . فوگ الغبره
جم مره داست . اختك جمره
جف اختك صاير تعرف حار . ويه الخيمه احترگوا بالنار
يم المخيم . ضلت تنحب

ايساعد الله الحره من شافت رقيه
دمها يگطر من اذنها اعله الوطيه
اتگلها ياعمه تعاي او شوفي اديه
امورمه من سوط الشمر لحگي عليه

مگدر امدهن . عمه اجفوفي
شيگطعه دمهن . گربي او شوفي
طفله آنا او هاي اجفوفي اگصار . ويه الخيمه احترگوا بالنار
يم المخيم . ضلت تنحب

عالهزيله الحره من راحت تأذت
بالدرب كل ساعه تنضر طفله وگعت
ويه كل طفله تطيح الحره نزلت
ويلي جم مره العقيله ابطفله عثرت

جرح اديها . الشوك البالبر
او ينضر عليها . ذاكى المنحر
يشبح ليها إحسين الانضار . ويه الخيمه احترگوا بالنار
يم المخيم . ضلت تنحب

حيدر الحلفي


#الناشر_الحاج_فلاح_حسن

#لايسمح_بتغير_وازاله_اسم_الشاعر

#محرم_١٤٣٩_الناشر_الحاج_فلاح_حسن


هذا السؤال الصعب ليش طايح ع الترب
و الحراير تنولي غصب تمشي هالدرب

****

هذا السؤال بخاطري .... اتحيرت ما من جواب
زينب بدرب اليسر .... ترسل الدمعه عتاب
ايدي مجتوفه بحبل ... خدري طايح بالتراب
ناشدت ها يا علي... بجفك جم داحي باب


دمعاتي سكته تصب خدري نايم عالترب
ودعتكم ياهلي.... باليسر امشي غصب

*

سكنه ورقيه بجن.... لزمن اثياب العقيله
و اليسر ما ينحمل ... مكلف اركوب الهزيله
وينه عمي بوالفضل ... ما درى دمعي اسيله
من كثر ضرب الشمر ... متني مااقدر اشيله


اثر بمتني الضرب دمعي بعيوني نضب
من ودعت كافلي زادي الصبر بالدرب

***

عباس خويه الكفل ... عينه ملزومه بسهم
فوق الرمح للضعن... ايباري لو هب النسم
ما يفارك محملي ... عباس راعي الشيم
بالعاشر أتذكره ... يحرس بعينه الخيم


بعيونه نازل غضب والجرف منه اضطرب
هذا البطل كافلي بعده امشي وي الغرب

*

الكوفه خويه انزلت... زينب انه الاميره
ايدي مجتوفه بحبل ... الوادم تنظر بحيره
ايديه مجتوفه صح ... لجن الكوفه اسيره
انه ترباته علي ... وكافلي الكله غيره


جلمتي سيف الغضب الوادم تريد الدرب
بالكوفه تنظر الي جنه حيدر هالخطب

*

بديوان اميه ادخلت ... وايزيد هو الخسر
ظنه يذل حيدره ... وصوره منه تنكسر
ما عرف لن حيدره ... ربى لبوه لهالامر
بديوانه من اخطبت ... زال حكمه وانحسر


هذا السؤال الصعب اتفسره اعظم خطب
ليش زينب تنولي ويحدي ناكتها غرب

تمت بعون الله
خادمة الزهراء/ ليلى زغيب



#الناشر_الحاج_فلاح_حسن

#لايسمح_بتغير_وازاله_اسم_الشاعر