قناة خطباء المنبر الحسيني للقصائد

#لاستشهاد_الأمام_الكاظم_ع
(وزن فائزي)

ينعى لمصابه ابنه الرضا عازوه يشيعة
دم تهمل عيونـة وينـادي اشهالفجيعة
*بگيود مربوطة الايدين..الآجل وافاه الحنين*
+..................................................+

من طوس اجاله يعتني ينصب له مأتم
ابقعر السجـون انغـدر يـا شيعـة وتألم
ابـأمـر هـارون اللعيـن وزمـرتـه انسَـم
يجرح مصاب الـوالي خله بـالگلب غم
*خلاني ابحسرة وانين..الآجل وافاه الحنين*
✍🏻 #ولائــية_وافتـخر (دعـاء العـامـري)
✾✾..................✾✾..................✾✾

اشحال أبنـة من حظر يمـه وگـرب ليه
شاهدهـا اثـار الگيـود ابجسمه و ايديه
ع الجسر مرمي هالجسد محـد يواريه
التـارس الـدنيـا بـالعلم هـا هيـه تاليه
*ابـﭼـي واعلي بالونين..الآجل وافاه الحنين*
✍🏻 #الــعــلويــة_المـوســويــة
✾✾..................✾✾..................✾✾

يعتب على اجدار السجن ما رق لك احساس
يگلـه ابـوي وهيبتي بيـه ارفـع الراس
جيت انة لك كلي حـزن وياية هالناس
جاوبني عن حاله ابظلام وجور الارجاس
*انگطع شريان الوتين..الآجل وافاه الحنين*
✍🏻 #ولائــية_وافتــخر (دعـاء العـامـري)
✾✾..................✾✾..................✾✾

عالكاظم انة اسـﭼـب دمع واندب يزهره
لمصابـه اشـكي للنبي وبـصـدري عبره
صابر علـﻰ گيود السجن ياعظم صبره
ينـدب يمهدينـة العجل نـورك ننطره
*الگلب لمصابه حزين..الآجل وافاه الحنين*
✍🏻 #الــعــلويــة_المـوســويــة
✾✾..................✾✾..................✾✾

موتتـك صـارت بوية الي اعظم رزية
مـاعشت لحظات الفـرح مصابك آذية
ابقيت ادعي الباري اشوفه ايرده الية
ميـت صرت بيـن الغـرب صعبة علية
*بالسجن گضاها السنين..الآجل وافاه الحنين*
✍🏻 #ولائــية_وافتــخر (دعـاء العـامـري)
✾✾..................✾✾..................✾✾

مسموم وبگلبه غصص كل عمره مسجون
فارگ اولاده والأهل تبـﭼـي له العيون
الشيعة اجت لك سيدي بمأتم يلطمون
نصبـوا عزائك بـالدمع صـاروا ينوحون
*محبوس وبدمعك رهين..الآجل وافاه الحنين*
✍🏻 #الــعــلويــة_المـوســويــة
✾✾..................✾✾..................✾✾
🍃تــمــت بــعــون اللــہ🍃
بــأقـلام خـادمـات اهل البيت
ونسـأل اللــہ القبـول
5/4/2018
✾✾..................✾✾..................✾✾