#ام_البنينقصيدة نعي
#شهادة_ام_البنين ع
ممكن أن تقرأ على طور الشيخ آل قنبر
و ممكن قراءتها كلطمية
#فتحة_عزابخدمة القراء الاعزاء
كلمات
#حسين_شعيبكأني بزينب ع تقول :
أُمّ الأربعه الضلّت بِلِمْدينه
مِن ردّينا شافت كل مَآسينه
سبي اعله الهِزّل و ايتام مألومه
قرَت بِعيوني لِمْصاب اللي مرّ بينه
مِن شافت مُتوني امْوَرِّمه و زرگه
عِرْفت بالسبي و عن خويه مِفتركه
و بعد شافت عباتي ابْجمره مِحتركه
دِرَت حِركوا خِيَمنا و نِظرَوا اعْلينا
إبِن حذلم نَعِوته مْأَخّره جانت
لأن ذَبحت بنيها بالسِمه بانت
الگُمر مخسوف وامّه امْن البعد عانت
وْ خسوف الگُمر معروفه مَضامينه
لَبيبه امن الاشاره فِهمت امصابي
الجِبِت ردّ و چِتَف ايدي و حِرگ بابي
كِسَر اضلاعَ اخويه و ذَبَّح احْبابي
ويلي وْ أبو فاضل قَطَّع ايدينه
ماتت من لطمها اعله الوجِه والراس
على احْسين و مُصابه شِهْگت الانفاس
نادت رَبْها أَتْصَبّر على العباس
لاجِن خَلني اموتِ ابْنوحي لِحْسينه
