#عزيزة_الحسينجديد محرم ١٤٤٢ هجريه قصيده بعنوان (لوعة رقيه)
عمه عمه شوفي اديه من الحبل متورمه
عمه عمه من اصدن لج تهل عينج دمه
عمه زينب..
وين ابويه ابهالسفر طول علينه
عمه زينب..
ليش بحبال مجتفين ادينه
عمه زينب..
شوفي هذا تصد دوم اعليه عينه
عمه زينب..
بيه يشتم رافع السوط بيمينه
عمه عمه امن السياط امتوني حيل امألمه
عمه عمه من اصدن لج تهل عينج دمه
▪️▪️▪️▪️▪️▪️▪️▪️▪️▪️▪️▪️متني يلهب..
ضرب السياط عمه ورم امتوني
متني يلهب..
كل ما اصيحن يا عمه يضربوني
متني يلهب..
وين ابوي يشوف من عگبه ولوني
متني يلهب..
والعبايه اتشگگت وگفي دوني
عمه عمه بهالدرب دمعه بعيوني ملازمه
عمه عمه من اصدن لج تهل عينج دمه
▪️▪️▪️▪️▪️▪️▪️▪️▪️▪️▪️▪️هذا الحبل..
شد اديه وحيل عمه اتورمن
هذا الحبل..
هم خواتي ويايه بيه اتجتفن
هذا الحبل..
خله دمعاتي ابخدي يحفرن
هذا الحبل..
مو كافي عمه؟ ليش گلبي يألمن
عمه عمه شوفي ايدي بالحبل متوسمه
عمه عمه من اصدن لج تهل عينج دمه
▪️▪️▪️▪️▪️▪️▪️▪️▪️▪️▪️▪️كلهه ليش ..
اعلينه تتفرج يعمه جمري يلهب
كلهه ليش..
بعين الشماته تنظر النه وتسب
كلهه ليش..
تفرح يعمه بسوط لمن انضرب
كلهه ليش..
اتـجمعت كلهه علينه ابهالدرب
عمه عمه والدي وينه اوبحالي اعلمه
عمه عمه من اصدن لج تهل عينج دمه
▪️▪️▪️▪️▪️▪️▪️▪️▪️▪️▪️▪️من مشينه..
انشدج وتجاوبيني بدمع عينج
من مشينه..
دمعتج عالخد عمه اسمع ونينج
من مشينه..
وبحبل مثلي يعمه امجتفينج
من مشينه..
واسمع يگولون ما يرجع حسينج
عمه عمه هالحجي صدگ بالله يا عمه
عمه عمه من اصدن لج تهل عينج دمه
تمت بعون الله تعالى
خادمة الزهراء / ليلى زغيب
الشاعره ليلى زغيب
اين الطالب بذحول الانبياء وابناء الانبياء