قناة خطباء المنبر الحسيني للقصائد

#طور_الفراق
#إلى ارواح الشهداء رضوان الله عليهم



الله الله      راحت الصُحبة الوفيّه
الله الله       وشكُثر كنا سويّه
الله الله      وخلوا الدمعة جريّه

من بعِدهم      كلمن باحزانه حاير
من بعِدهم    صرنا نقعد بالمقابر
من بعِدهم     ريت يسحق بينه حافر

ها يروحي      لبوا لحسين بدماهم
ها يروحي     شكُثر قلبي نعاهم
ها يروحي     كانت الحلوة  لحاهم


#طور_زينب_إجيت_لحسينها

وين الشباب الصالحه
عيني اعلى فقده مالحه
ويانه كانوا  البارحه
وكلمن جماله معتفر


وِحشة بفقدهم  هالديار
لا فرحه بيها لا قرار
بين الحزن بين المَرار
نهمل دمعنا كالجمر


نُوحي يا روحي عالشباب
مو زفة لا حِنّة . خضاب
ما واحد اليرجع سراب
ونتلاقى في يوم الحشر


🖊خادمة أبي الفضل

#الليلة_الثانية
#طور_زينب_إجيت_لحسينها
#تصوير
ولسان حال وصية السيدة الزهراء ع للعباس ع



يبني يبو فاضل عهد
بيني وبينك للأبد
لزينب تظل ليها السند
ويَمّها تظل ابكربله

أقسم عليك بكسرتي
ومحسن جنيني وسطرتي
وصية وأمانه ابنيتي
سيفك أمان العايله

#بعد يا وصية توصي يا زهراء

أدري بوفاءك يالبدِر
بوجودك ايخاف الشمِر
لحسيني ما يقرب يِفِر
لنه يخافَك قاتله

درع لأخوك ومفخره
سالم يظل لي منحره
ريته يظل سالم تره
وعمرك ل خيّك باذله

لكن اذا قطعوا النّحر
ونْجمَك تِهاوى على النّهر
أحضر أواسي ام الصبر
وعيني لوفاءك سايله


🖊خادمة أبي الفضل

.#طور زينب إجيت لحسينها
#حسرة الموالين في ليلة القدر



معقولة ما احيي ليلتك
ول اسمع يوالي مصيبتك
كلنا نناشد دعوتك
حِلها بدعائك يالولي

قلوب اليتامى نشدِتك
نرجع نزور ابحضرتك
نسقي بدمعنا تربتك
حِلها بدعائك يالولي

حسرة بدليلي هالأمِر
ما نحیي بالمسجد قدِر
رِيتن أموت من القهر
حِلها بدعائك يا الولي

منهو اليواسي الطاهره
بمجلس عزاءك حاضره
الشيعة دموعه ناثره
حِلها بدعائك يا الولي

روحي تنازع كن ذَبح
راح ابكي حتى للصبح
واندب مصابك والجرح
حِلها بدعائك يا الولي



🖊خادمة أبي الفضل