قناة خطباء المنبر الحسيني للقصائد

#محرم_١٤٤٦
#طور_لفى_عاشور
#العاشر
#حضور_السيدة_فاطمة_عليها السلام عند مصرع ولدها



قبرها عافت الزهره        واول زائرة لحسين
حنّت بالدّرب صاحت     دلوني على جسمه وين

سمعته يونّ قبل ذبحه    ولفيته والقلب لهفان
رِدت أحكي وي إبني       وقِله يا جرح تعبان
شداوي يُمه من الجروح  واقرالَك سور قرآن
وصلته والنّحر دامي       ومن كبده شفت ثلثين


صِرت ادعي على الظالم      إشعندك يا شمر وياه
شفاهه من العطش يِبْسَت   ما واحد إلِه رَواه
وصدره منسحق مرضوض  إشسوت بيه خيل اعداه
وتراوت حُرمه لي عالتل     عمرها جاوز الخمسين 💔  


وشفتها  من إجَت عنده     واخوها حَضْنِته مذبوح ( يا زينب )
يخويه احترقت الخيمات  تِقلّه بالبكا والنوح
حِرّت بْنُوحي يا يّمه         وقلبي لزينبك مجروح
هيه تصِيح تعاليلي           وانا ونّي على الإثنين

#هنا زينب ع تنادي ، استغاثت بأمها ، تتذكر وعدها بالحضور في كربلاء:


يُمه وينك    عوفي قبرك يالحنينه
يُمه وينك   خويه الِحسين ذابحينه
يُمه وينك   خامده انفاسه و ونينه

يُمه وينك     اذكر ايام المدينه
يُمه وينك      عالوعد قِلت تجينه
يمه وينك     بحق الحسين إحضرينه

#تجاوبها الزهراء عليها السلام


انا يَمك     وابكي لاحوالِك غريبه
انا يَمك    وانظر اهوال المصيبه
انا يَمك    وامسح الشيبه الخضيبه

(انا يمك يا زينب مو بعيده )

🖊خادمة  ابي الفضل

#طور الفايزي
#حضور السيدة فاطمة عليها السلام في كربلاء :


▪︎حضرت مولاتنا فاطمة بروحها عند ولدها الحسين .. وكأنّي ضمّته إلى صدرها ،لكن لا أدري ارأسهُ على بدنه او نظرته جثة بلا راس ..عاري اللّباس ..مكسر الاضلاع .. ساعد الله قلبك يا فاطمة ، تقله :


اشلون يا يُمّه الصبر غطاك دمّك
فوق الجرح ميّة جرح يا روح امّك
حتى الضّلوع امهشّمه شلون اضُمّك
منهو اليساعدني وآنه الزّهره الزكيّه

قعدت تِضمّه وتنتحب وتطلّع الحسرات
تقبّل إبنها بمنحره وتهمل الدّمعات
وسهم المثلّث تِنزعه وتشخب الجُرحات
اشعندك يدهري ابكل وقت وآنه بعزيّه

مثل الحَرق بابي حِرق لعيالك اخيام.
وصوّب على صدرك سهم من بين السّهام
وفرن بنات من اللّهب ما بين ظلام
وانا وعيوني شاهدة اعلى ابن الدعيّه

مصابك يبوالأكبر ابد ما يوم انساه
وحق الرفع سبع الشِّدد راح ابقى انعاه
كبده انحرم من العذب لا برّد احشاه
طول الدّهور الذبحِته هالونّه شجيّه


🖊خادمة أبي الفضل