#استشهاد_الأمام_الجواد_ع( قصيدة ثلاثية // وزن فائزي )
يجري دمعنـة اليوم لابـن الزچية
لاجله ينوح الكون هايـة المسية
•••••••••••••••••••••••••••••••••••••••••••
نبچي ونون بـ اهات نندب يمسموم
بالسم توذر چبده ويلي انغدر هاليوم
آ يالجواد نصيح كلنا اصفينة بهموم
*ناحت عليه اليوم أرض الكاظمية*
❂....❂▁❂....❂▁❂....❂▁❂....❂
الكاظمية اتنوح اله واتشحت اسواد
لمصابـه تنعى بصوت يا باب المراد
بالشمس ضلت جثَّتَه يـا رب العباد
*يلله يشيعة بصوت رفعوا هالعزية*
❂....❂▁❂....❂▁❂....❂▁❂....❂
نحيي العزا يا ناس نلطم على الراس
أم الفضل والمعتصم غدروه الارجاس
التقي فاضت روحه غابت منه الانفاس
*نـاحت ملائكة السما من هـالرزية*
❂....❂▁❂....❂▁❂....❂▁❂....❂
امن ارض المدينة اتعنته وتنحب الزهره
عازوها ياشيعة بدمع و اسچبوا العبره
ويـانة هـيَ بكل عزا المجلس تحظره
*لو قرا الناعي تسمعه اتون بخفية*
❂....❂▁❂....❂▁❂....❂▁❂....❂
يالناعي أرفع ونَتك خ انسيل الدموع
نواسي بمصابه والده هاليوم مفجوع
لبغداد حظرت للعزا كل هايـة الجموع
*لابن الرضا امشيعين كل هاي البرية*
تــمــت بــعــون الله
✍🏻#ولائــية_وافتــخر (دعاء العامري)