قناة خطباء المنبر الحسيني للقصائد

#ابوذيات

لسيدي ومولاي الأمام جعفر الصادق
(عليه السلام) :


بديه النار اطفيها •• وألمها
حرگ داري سلب روحي •• والمها
حرت بـ الـ لا اخو وياها •• ولا امها
ومتت من اذكرت ركضه رقية


بناتي بدارهن فرن •• ووراهن
ولا شاااااامت نظر الهن •• وراهن
لجن عمااااتي من ركضن •• وووراهن
جمر وحجار يتگاطف سويه


خالد عبدالساده البدیری

#اللهم_عجل_لوليك_الفرج

#تراث #ابوذيات
لشهادة امير المؤمنين صلوات الله عليه

ريت انصاب أنه راسي ولا إنصاب
ابونه او لبنيِّ المآتم ولنصاب
الدمع لو هل دمه الفگده ولنصاب
منهو إيلومنه وچلفه ألرزيه

لبونه من گرب وعده وحينه
ثكلنه وفجع ميتنا وحينه
مظلم صبح وادينه وحينه
إخلافه ووحشت داره الزهيه

إلدهر فرنه إبدواليبه ولمنه
وراح الگبل يجمعنه ولمنه
ابونه ما گضه براحه ولمنه
الگضت بالهظم والهم والأذيه

ليالي فرگتك للگلب ولمن
او ويه العيد يا ابا الحسن ولمن
عليمن التجي بالضيج والمن
اشچي اخلافك الضيم العليه


الشيخ محمد سعيد المنصوري

(246)
#اللهم_عجل_لوليك_الفرج

#تراث #ابوذيات

مرّو بيهن اعله احسـين يومن
بدیهن فوگ عالي الصوت يومن
اهو برضاك هذا اليسر يومن
غصب وأدري غصب رهن المنيه

انه امن ابچي ابحزن مر مانعنَّه
مصاب احسين من مر مانِعنَّه
غريب الطف خواتـه مانعنه
اشحال الناعيه الراحت سبيه


الشاعر المرحوم
عبـدالامـيـر الـفـتـلاوي

#اللهم_عجل_لوليك_الفرج

(158)

ابوذيه
بحق عبدالله الرضيع.. رووحي فداه
....
عـلـيـه الـفرح ما أگـبـل. ولا دار
وحليبي نشف من صدري. ولا دار
دارك بـالـگـلـب يـبـنـي. ولا دار
الـبـگـت بـعـدك يـعبـداللـه عـلـيـه
.........
للشاعر الاستاذ سید سعد الذبحاوی




ابـهمـك حـرت ياطـفلي        وهـمـاي
وجـفنـي دم جـره الحالك      وهـمـاي
لـبـن مـا يحـصل اتشربه        وهـمـاي
اخافـن تـرتـوي ابـدم الـمـنـيـه…
للشاعر الاستاذ سيد سعد

💫ریـــــحـــــانـــــة💫 المصـــــطفـــــی💫:
#محرم1440هـ #2018م

#ابوذيات_ونعي_للرضيع

((( ابوذيات )))

صعب فگد الطفل والله..مردنه
ردتك يالولد غيرك..مردنه
خذاه حسين للحومة..مردنه
مذبوح النحر لا شرب مية...

من نحره الدما دّرت..وسالت
مصابك هدم لروحي..وسالت
ينشدوني البچي ألمن..وسالت
لرضيعي الصّوَبه سهم المنية...

خذت مني رضعي ليه..يطفلي
وتشب نار بدليلي من..يطفلي
أهز مهد الطفل واندب..يطفلي
عّلي رد يالولد دمعي جريـة...
★•••••••★ ★•••••••★ ★•••••••★

((( نعي شعبي ))) يقرأ بعدة أطوار

يظل حظني بغيابك يمة خالي
وغير النوح بعدك ما حلالي
جمر يسعر دليلي ودمعي هالي
يعبدالله الولد فگدك هظمني...

هظمني هالسهم من صاب نحرك
خذاك الموت ويلي بصغر عمرك
تظل نار الگلب ما يطفى جمرك
شلي بدنيتي الما بيها نوره...

دليلول الولد يمغمض العين
ياوسفة خذك يوليدي البين
نبلة حرملة منه اشتطلبين
شلون ارضيتي لنحره تگطعين...
★•••••••★ ★•••••••★ ★•••••••★

((( يم الولد راح الولد ))) *شيخ زمان الحسناوي*

*مهده صفى عگبه حزين*
*نوحي عليه جّري الأنين*

آ يالرباب نوحي عليه
صابه السهم گطع بچيه
و لجيته لا ترتجيه

بگماطه ظل دمه يسيل
من الألم فـّر بالعويل
وحسين ابوه بفگده نحيل

يمة أناطر بالخيم
أفتر واناشد بالحرم
گلبي عليه ناح بـ ألم

خالي المهد وبلا ولد
ألمن اناغي بهالمهد
ووليدي عني مبتعد

گلبي تهشم من رحت
واگعدت يم مهدك نحت
راح الولد مني صحت

تـــمــت بــعــون اللــه
17/8/2018
✍🏻 #ولائـية_وافتـخر (دعـاء العـامـري)
❌لاإجيـــز حــذف الأســم❌
★•••••••★ ★•••••••★ ★••••

#ابوذيات_لشهر_محرم_الحرام

علي گلب العده يحسين ٠٠٠مالان
مجتوفه اركبت و النوك ٠٠٠مالان
شكد ضيم احملت بس هاي ٠٠مالان
اطب ديوان مجتوفات اديه
*
جثيره اهموم ياكلبي ٠٠٠واشدها
بيوم الشمر جر ايدي ٠٠٠وشدها
شعضم منه هل موقف ٠٠وشدها
الادها من يكلي الخارجيه
*
يريت الزمن بعدك ما ٠٠٠٠يدمنه
كطعنه دروب ماماشي ٠٠٠يدمنه
سبايه اعلى الهزل تجري ٠٠٠يدمنه
وطبع بجتافهن سكنه ورقيه
****
بعد لا ضل٠اخو٠ليمي٠٠٠والمجان
ولاخيمه البقت عندي ٠٠٠٠والم جان
الدهر من صغري صوبني ٠٠والم جان
صفن الالام بارض الغاضريه
*

زينب صاحت العباس ٠٠٠٠٠من تل
سبيه وامشي وي عدوان ٠٠من تال
انت الي اكفلت خدري و٠٠٠منت ال
جبتني وياك لارض الغاضريه
*

اريد ابجي ودمع عيني ٠٠٠لجرها
على مصابك نحت لا مو ٠٠لجرها
ولون ونه باثر ونه ٠٠٠٠٠٠لجرها
لجن هيهات اوافي ابن الزجيه
*
جنت مهيوبه باسمك ٠٠من يراني
أبد ما شاف طولي ٠٠٠من يراني
ردت عباس حاضر ٠٠٠من يراني
شمرهم حط حبل بثنين اديه

*

غريبه وجيتك اشكي ٠٠٠٠من سبوني
ويريتك حاضر انت ٠٠٠٠من سبوني
النسب طاها يحيدر٠٠٠٠من سبوني
ويسموني الغريبه الخارجيه
*
يروحي لزينب الونه ٠٠٠٠عليها
غريبه والخيم شبت ٠٠٠عليها
ريته يحضر يشاهد ٠٠٠عليها
يشوف شلون ودوها سبيه
*
العقيله المانضر واحد ٠٠٠٠ خيالاي
جنت مهيوبه يحميني ٠٠٠خيالاي
ولا جانت تمر ساعه ب٠٠٠خيالاي
اسيره وعلهزل مجتوفه اديه
****

يكلبي لاتون بهداي ٠٠٠ون حيل
بدنها من السبي تعبان ٠٠ونحيل
تمنيت انحضرها هناك ٠٠٠ون حل
الحبل من ايد بت حامي الحميه

*
✍نور الولاية الفاطميه

#ابوذيات
#١٥_شعبان_ولادة_الإمام_المهدي عج



خبر عاجل من السدره/ وَرَد بيه
باسم المهدي ليلتنه /وِرِد بيه (أردد)
عطر انفاسه اشتمه / ورد بيه
ونوره يزهر يشعشع عليّه


🖊خادمة ابي الفضل

#ابوذيات
#١٥_شعبان _ولادة_الإمام_المهدي عج



خبر عاجل من السدره/ وَرَد بيه
باسم المهدي ليلتنه /وِرِد بيه (أردد)
عطر انفاسه اشتمه / ورد بيه
ونوره يزهر يشعشع عليّه


🖊خادمة ابي الفضل

#شهادة_أمير_المؤمنين ع
#ابوذيات
#لسان حال السيدة زينب عليها السلام


▪︎...اعظم الله لك الأجر مولاتي يا زينب ، ما حالها لما كانت تنظر الى دار أبيها خالية ، مقفرة
قد غُيب أبيها عنها تحت التراب ، بالأمس البعيد فقدت جدها ، فقدت أمها ورأت كل ما جرى على الزهراء ع، والجرح لا يندمل ، واليوم فقدت أمير المؤمنين ، آه :



نار ابالقلب يسعر / وجدهه
من أدخل وسط دارَك / وجِدهه
خليّه لا أبو لا أم / وجدهه
نامو يا وسف تحت الوطيّه


إنطبق ظهري بعد عينه / وحِناه
وصبغت ابمأتمه هدومي / وحناه
دموع العين ترخصله / وحنّ آآه
على فقدك يحماي الحميّة


🖊خادمة أبي الفضل

#استشهاد_الرسول_محمد_ص_واله
#ابوذيات_نعي

ابوذيات نعي على الرسول محمد
صلى الله عليه واله وسلم
وماجرى على الزهراء عليها السلام بعده

اباب الزهره من بعدك وجرهه
النار وضيعو حكَهه وجرهه
دفعهه الباب بجفوفه وجرهه
وعشر مرات يعصر بالزجيه
.............
اشهدي يانجوم اسماي يجرام
بيه العاذل ابلا دين يجرام
دفعني وجرني هم يدري يجر أُم
الحسن وحسين والمحسن سويه
.............


أنيني الساكن البيده وأن هَم
وهمه وين من بجيي وأين هم
دفعت الزهره كَالوله وَإن هم
جاوبهم وشب نيران بيه
..............
يبو القاسم تره البضعه يمرهه
شاجر والبجي اخلافك يمرهه
العدو اتعوف البجي بعدك يأمرهه
شلون تعوفه وانت الغاب فيه

الشاعر
ياسر العارضي

نور الولاية

#العباس
#ابوذيات

بالحومة الگمر أثبت..وجوده
فگد عباس چفينـة..وجوده
شلي بهالعمر و بلا..وجوده
اظل بهمي والحسرات بية...

لاجل الخوة خله اعداه..ترادم
اسم عباس وي زينب..ترادوم
اجته و شافت اوصاله..ترادم
تنادي بحسرة والدمعة جرية...
★•••••••★ ★•••••••★ ★•••••••★

((( نعي شعبي )))

اجيت ياخوية ارد احاچيك
لا رديت الي و انـة أتانيك
اگعدت يم جسمك واداويك
گلي ياجرح وينه اللي ياذيك

ياخوية يالرحت من ايدية
بعد ياهو إلي و ينغر علية
من عگبك انة اشوف الآذية
يحديني الشمر لابن الدعية

نايم عالنهر مگطوع الزنود
حسيتك يخوية تروح متعود
خذوني ميسرة وبيدية الگيود
وبسياطه الشمر ما رحم بية

ياويلي البطل غمضها هالعين
انهض ياكفيل وعاين حسين
حاطته العده بـ اسهام البين
ولاناصر بقى له ولا له امعين
★•••••••★ ★•••••••★ ★•••••••★

((( فائزي )))

يا خوية من عگبك انة أبقى حزينه
تسألني الاطفال وتصيحك عمي وينه
واعزيزتك تهمي الدمع تلطم اسكينه
يا ويلي نايم ع النهر طبرته بعينه

أگعد يخوية اوديعتك ما إلها والي
هدمته حيلي بطيحتك عذبت حالي
بين العده انة اصبحت شوف اشجرالي
وانة اللي گضيت العمر مخفي خيالي
★•••••••★ ★•••••••★ ★•••••••★

((( طور الفراق ))) *مالي غيرك*

يابو فاضل..اعليك دلالي انفطر
يابوفاضل..ليـة عاين يالگمر
يابوفاضل..ماشية بدرب اليسر

يختي زينب..لا تظنين انتي وحدچ
يختي زينب..گلبي هشمتي بدمعتچ
يختي زينب..عايني و تلگيني يمچ

تـــمــت بــعــون اللــه

✍🏻 #ولائـية_وافتـخر (دعـاء العـامـري)
❌لاإجيـــز حــذف الأســم❌
★•••••••★ ★•••••••★ ★•••••••★

#محرم
#العباس
#ابوذيات


━━══
يغيره اعله النهر ثاوي لواها
لإخت عدك إجت والهم لواها
القلب تقدر بعد تسمع لو آهه
تون زينب يكافلها شجيه
••••••••••••••••••••••••••••
اليتامه نثرت بكترك وردها
ينايم بالثرى انهض وردها
يا آيه للوفه ومنبع وردها
تلوذ بحضرتك عيله السبيه
••••••••••••••••••••••••••••
عباس للوفا شاره و عَلمها
و معنىٰ الأخوَّه الناس عَلَّمها
تحاشىٰ لذيذ الماي و عِلَمها
بعد عينه الأمم تصبح أبيَّه
••••••••••••••••••••••••••••
سكنه تعاتبك مالومه يا ماي
و تعاتب عطشها ينشد يَه ماي
و تنادي الزچيّه بحسره يَمّاي
للماي إفگَدِت عمّي و وِليَّه
•••••••••••••••••••••••••••••
الخُوَّه بو فاضل معناها و جِزه إلها
و الغيره من زوده وفّاها و جِزَلْها
يمناه من تعطي كل حاجه و جزلْها
و لحسين ذرعانه إنطاهن هـديّـه
••••••••••••••••••••••••••••
يفارس كربلا يبو فاضل و أسدها
يسور لهالحرم يا منعتها و سَدها
همومي برگبتك و ع چفوفك وسدها
يباب لكل طلب الكرم عندك سجِيّه
━━═══━︽━══━━
الشاعر : أبو شهيد الأحسائي
---------------------------
*لا يجوز و محاسب شرعاً حذف او تغيير التوقيع *

#محرم_١٤٤٢_هـ
#ابوذيات
#زينب_عليها_السلام


تونّ النوق مِن تِسمع .. لوَنّي
مَسيري بْلا غطا غيّر .. لوني
اوْيَه اخوي بكربله ميته .. لونّي
يخيروني ولا امشي سبية



يالتسأل على زينب .. ترآني
امشي السّاع محنية .. تراني
عيون اجناب ماتقدر .. تراني
اخت عباس آنه الهاشمية


خادمة خدام الزهراء ع

#محرم_١٤٤٢_هـ
#ابوذيات

الدهر مايوم سرنه لازمنه
النوايب من زغرنه لازمنه
بدربنه شمر هسه. لازمنه
علينه محزم الذاته. رديه

───✤◐►🖤◄◐✤───

ويانه الحزن من الزغر خاوه
اخذ منه دهرنه شكثر خاوه
تلاشه الكلشي بينه صبح خاوه
الدهر مانصف يوم أهل الحميه

───✤◐►🖤◄◐✤───

رسن يمنه النوايب يمنه وجن
الروح شلون بعد تهيد وجن
تهم بالمكبل عليها اوجاي وجن
الراح اوجاي يطبكن سويه

───✤◐►🖤◄◐✤───

علينه بالدرب وجبت خيلها
بعد زينب مايبقه خيلها
غريبه تضل الماشافو خيلها
بعد عزها يمشوها سبيه


ام رائد زوين

#محرم١٤٤١
#الاكبر (ع)
#ابوذيات

علي مر بغيابه الأكـل والماي
صبر فكـده بعـد ماصار والماي
الم بعده شلت حملين والماي
وعمت عيني إذا ما رد عليه
........
مشاكل دهري أبغيـرك محلها
يمن حبك سكن روحي محلها
فقط اسمك تره ذنوبي محلها
الوذن بي وما أشوف الاذيه.
........ الشاعر اياد الفرح التميمي

#محرم
#ابوذيات


جدّي باللحد ضمني يَجَداه
لدمومي الخصم عزمه يجِدَه
شيفيد الوعظ بيهم و يجْداه
الأُمّه خالفت بيك الوصيّه

ويلي عالزمن هل بينا من دار
ألوان الكدر يا وسفه من دَر
انوار الوحي مطروده من دار
طلعت بالأسىٰ للغاضريه

حَنَّت بالگبر مكسوره ضلعين
فاطم للبچي بس إلها ظل عين
و نادت للولي يَوليدي ظل عين
گلبي ع الحزن وَيّه الرزيّه

أبو شهيد الأحسائي

https://www.ⓣelegram.me/manbarhoysayne1

#محرم
#ابوذيات


اخويه ابكربله النسوان بسلم
صحت عباس دام وياك بسلم
چنت معزوزه عندك دوم بس لم
اتركتني ظلّو إيشمتون بيه




يگلبي الفرح عگب حسين حرمه
لان ماترعى لك هالگوم حُرمه
مثلي تصير بين اجناب حُرمه
هذا وذاك يتشمّت عليه




سنين الهجر لحبابي وخيمات
خي مافزع من ردته وخي مات
ماغطّتني لا رايه وخيمات
تسعر واللهب يلفح إيديه

صادق سوّيد
خطباء المنبر الحسيني

#ابوذيات

اقنع بيش روحي انه ورضها
الك ونت سمه العليه ورضها
وكيدك يحـفـر أبأيدك ورضها
مثل ضلع امك الزهرة الزجيه

ــــــــــــــــــــــــــــــــــــــــــــ

مثل ضلع النزف منك دم الها
الخزن بالجرح جرحك دم الها
وحزنك عالبشر يبقى دم الها
مصابك بالسجن تلفي المنيه

ــــــــــــــــــــــــــــــــــــــــــــ

مصابك بالسجن عيني سجنها
الدهـر بغـيابك الصاير سجنها
روحي غيوم حسراتي سجنها
مطر تمطر حزنها الجعفريه
ــــــــــــــــــــــــــــــــــــــــــــ
✍الشاعر
اياد الفرح التميمي