قناة خطباء المنبر الحسيني للقصائد

#جديد
أحزان السيدة زينب عليها السلام
وزن : البحر الطويل
طور : هاشم يا بني هاشم
وتقرأ بجميع أطوار البحر الطويل في النعي واللطم
https://youtu.be/cN-UlZ_AnX4?si=0xO5JuMliXqA8Usc
.
.
آنه الــعمري بيت أحزان .. وگلبي امن الزغر مهموم
خِلْصَت بالبچي اسنيني .. وعندي فاتِـــحه ابكل يوم

آنه الخِلْصَت اسنيني .. ما بين البچي والنوح
وما خَلّه الحزن ليه .. من سيل المدامع روح
ورغم ما هالنبض عايش .. گلبي اويه الاهل مذبوح
وأول جرح أذّاني .. جدي ينچتل مسموم

وعگب جدي شِفِت بالعين .. أمي طاحت ابعصره
ابصدرها أنظر المسمار .. وضلعها عاينت كسره
ومــات المحســن وعگبه .. ماتت أمي الزهــره
وعگبها والدي مطبور .. راح ودمعي ظل مسجوم

راح المرتضى وعگبه .. ودعت الحسن بآلام
مسموم وشفت نعشه .. بعيني ينرمي بسهام
ومثل اسهام نعشه اهناك .. انظرها ابصدر جسام
امحنّه رد لي ابدمه .. ويلي امن العرس محروم

راواني الطفوف اجروح .. ما تنحصي وما تنعد
وأصعبها اعله صدر احسين .. من شفت الشمر يصعد
وشفته امن الگفه مذبوح .. وآه اشعُظم هالمشهد
على راس الرمح راسه .. وجسمه امغسل امن ادموم

ابلا كافل يسيره أمشي .. مچتوفه على الهِزَّل
والكافلني ظل مطروح .. وعگبه ما بگالي حل
وعگب عينه ودلاله ابآه .. ديوان الرجس أدخل
آيا حيــرتي وحزنــي .. وگلبي الكل وکت مآلوم
_
تمت ببركات مولاتي زينب عليها السلام
#فاطمة_كريم
٢٠٢٣ م