قصيده للزهراء عليها السلام علئ طور مسلم الوائلي (عباس ابونينك) زينب تحكي ألم فراق امها ¤========¤☆¤========¤ راحت //شــــمعة دنيتي لمضويه عمري راحت //وخلتني ابضلام ودمعي يجري خلـــــتني وحـــيده وي المضلمات وخلت بالكلـــب مو شوغه شوغات راحت //راحت ¤========¤☆¤========¤ راحت ام گلب الحنين روحه وأطـول ســنين عمري اخلصه بالونين مــــن بعــدها چفني جف أمن البجي بالساني ماباقي حجي عضمة الساني غياب امي عگدها نارها امــي بالضلوع شبت وخلتني الوع راحت الخيمه الجنت اگعد ابسدها چنت لو أشعر ابخوف اجي لحضنج وائمن وهـــسه حــــضنج اتــــــراب راحن اليدفن يمه //الفركه عذبتني ادخيل ردي يمه //نار امســعره ابفرگاج تحدي ببو إبراهيم احلفج ردي ليه شوفي ابنيتج والله خطيه راحت //راحت ¤========¤☆¤========¤ يمه فگدج مو سهل عندي ماباقي امل ائيست لمن رحلتي ابليله ضلمه ائيــــست من جيتج وحيده تبجي ابنيتج اذكرج وبصوت اصيحن اه ييمه ماكو مثلج بالحنان أمن ليه انتي وامان ومن بعد ذاك الأمن دنياي هضمه ضلمه الدنــــــيه بچــفاج يمه يالحنينه اخوي احسين شفته سكته ايجر ونينه يونون//بتـــــــج والولــد بنهار بليل يونون//غيابج اه ييمه ماخذ الحيل مانحمل ابعادج والله لليله وبعد كدامنه الفركه طويله راحت //راحت ¤========¤☆¤========¤ ساعه اسكت ساعه انوح ســـاعه للـــحجره اروح روحي مـــتروسه جروح ضــــيم حالي صــوتج ابذني يرن حجاياتج اني اذكرن كالمطر عيني تصب دم وتلالي بعيني طبعت صورتج وبلهفه اروح لحجرتج الكاج بالحجره ييمه اعله بالي واختل بالزوايه وادنك راسي وابجي بفـــراگج ييمه شرد اوصـــف واحجي احاه//يفراگج يزهره عذب الحال احاه//ييمـــه عذبتني سهم جتال تلوب الروح والـــونه خفيه وحشه حجرتج توحش عليه راحت //راحت ¤========¤☆¤========¤ اذكـــــر اصواب الضلع وليـــــه اهلـــن الدمــع گلبي من صدري انشلع ابــــهل امصاب ضلعج وگلبي انكسر والله عذبني الدهر اه من لذتي ييمه خلف هالباب لذتي من كثر الوجع ويلي والخد انصفع دارج وگلبي ييمه اثنين عطاب يمــــه فكد وغياب وفوكاه مصابج اگضي العــــمر بالاه وگابل انه بابج انعاه //مصابج وغيابج ساعه وحده انعاه //گلبي بس وجع وهموم عنده ما ضنن اشوف الفرحه اني اخلص هالعمر ابجي واعاني راحت //راحت ¤========¤☆¤========¤ تمت بعون ﷲ تعالى بقلم خادمة أهل البيت عليهم السلام ✍🏻الشاعرة الملة﴿ࢪﺣمة ﷲ تحسين﴾   صاحبة دواوين 📚 [شهيدة ﷲ]و[مظلومية ال فاطمة] [ومقطوع الوتين] لا اجيز حذف الاسم أو التلاعب بالكلام غير مبري الذمه من ينسب الكلام إله https://t.center/MAHDE_alzaman